206
శ్రీ రామాయణము
ఈ హనుమంతుఁ డం - తింత గాదితని
సాహస కథ" లన్న - సంతోషమంది 4840
పవనజుమోముఁ ద - ప్పక చూచి కరుణ
చివురొత్తఁ గ్రమ్మఱ - శ్రీ రాముఁ డనియె.
"ఎందు నున్నది సీత? - యెట్టి చందమునఁ
గుందియున్నది నల - కువ కెట్టులోర్చె?
ఏమంటి వాయింతి - యేమని తనదు
సేమంబు నాతోడఁ - జెప్పి రమ్మనియె?
గుఱుతు లెయ్యవి పేరు - కొను”మన్న మ్రొక్కి
కరువలిపట్టి రా - ఘవున కిట్లనియె.
-: సీతయిచ్చిన శిరోమణిని శ్రీరామున కొసంగుట :-
"జలజాప్తవంశభా - స్కర! రామచంద్ర!
జలరాశి దాఁటి యేఁ - జనుచోట నడుమఁ 4850
బెక్కు విఘ్నములు గ - ప్పిన నవి ద్రోచి
యుక్కుతో లంకకు - నొక్కడఁ జేరి
రేయెల్ల నమ్మవా - రినిఁ బురి నెల్ల
చాయల వెదకి ద - శగ్రీవు నగరు
జూచి లేకునికి య - శోక వనంబుఁ
జూచి యందొక చోట - చుట్టు నున్నట్టి
దనుజకాంతలలోనఁ - దన నెఱివేణి
పెను జడగట్ట మీ - పేరు వాకొనుచుఁ
గన్నీరు గురియ నం - గము మైలవాఱఁ
జెన్నుచాలక మైల - చీరధరించి 4860
