182
శ్రీ రా మా య ణ ము
నుచ్చిపోవఁగ దివి - యుచుఁ గడవైవ
పయ్యెంట లంటి లో - పలి జల్లుఱవిక
చెయ్యందుకొని విద - ర్చినఁ బోక మేన
దరికొను మంటల - తమవార లెల్లఁ
బురపురఁ బొక్కంగఁ - బొరలెడువారు4290
కాయముల్ దరికొన్న - కవచంబులూడి
హా! యని పొరలుచు - నంగముల్మఱచి
కొఱప్రాణములతోడ - కుత్తుక లెండి
యిరవుల నిల్లాండ్రు - మృతినొందువారు
సొమ్ములు దే నిండ్లు - చొచ్చి చేతులను
రెమ్మి నల్గడల దొ - రికిన మాత్రంబు
కైకొని వచ్చుచోఁ - గడపలు దాఁకి
వాకిళ్లఁ బడిమేను - వ్రస్సినవారు
దంపతుల్ నిదురించు - తరిఁ గాలికాలి
కొంపలు పైవచ్చి - కూలంగఁ బడిన4300
నెట్లు మున్నుండిరి - యిట్టట్టు మెదల
కట్లమేనులు నూర్పు - లడఁగినవారు
కలుద్రావి యొడలెఱుం - గక మంటలనుచుఁ
దెలియక యందందుఁ - దెరలినవారు
నగుచుండ హనుమంతుఁ - డాలంకనడుమ
బెగడ లోకములెల్లఁ - బెనుబొబ్బవెట్టి
కుప్పించి యెగిరి చం - గున దశాననుని
యుప్పరిగెల వ్రాలి - యొడలు జాడించి
కొనతోఁక సందుల - గొందులదూర్చి
యనలునిఁ బురికొల్పి - యసమిచ్చుటయును4310
