పుట:Sri Ramayanamu Sundara Kanda Katta Varadaraju 1952 251 P 2030020024835.pdf/178

వికీసోర్స్ నుండి
ఈ పుట ఆమోదించబడ్డది

148

శ్రీ రా మా య ణ ము

 దనుజులు భీతిచే - దశకంఠు జేరి
యంతయు నెఱిఁగింప - నతఁడు గోపించి

-: రావణుఁడు జంబుమాలిని హనుమంతుని పైకి బంపుట :-

యంతకు రీతిఁ బ్ర - హస్తకుమార 3490
మగఁటిమిఁగల జంబు - మాలినిఁ జూచి
పగవూని నడచిన - పనిఁ దేట పఱచి
చనుమన్నవాఁడు రా - క్షససేనతోడ
ననికి నేతేరక -యటమున్ను గాఁగఁ
బొద్దుపోకల వన - భూమిలోఁ జెంత
మిద్దెలు పడఁద్రోచి - మేడలుగూల్చి
చప్పరంబులు ద్రొబ్బి - చదలెల్ల నిండ
దెప్పరంబుగ నార్వ - దిగులొంది యచటి
కావలియున్న రా - క్షసులెల్లఁ దమదు
లావులకొద్ది నా - లములకుఁ జేరి3500
పొడుఁడు పొడుండని - పోనీక గంగ
సుడివోలి నలుగడఁ - జుట్టుక పోర
హనుమంతుఁ డమ్మహా - యతనంబులోనఁ
గనకమయంబైన - కంబంబు వెఱికి
బిరబిరఁ ద్రిప్పినఁ - బెనుమంటలందుఁ
గరికట్టి సౌధంబుఁ - గాలిచి కూల్చె.
ఆ మహా స్తంభంబు - హస్తిహస్తమునఁ
దామరతూడు చం - దంబున మెఱయ
దానిచే నెదిరించు - దానవావళినిఁ
బీనుఁగు పెంటగాఁ - బీచంబడంచి