127
సుం ద ర కాం డ ము
మానినీమణి! మాఱు-మాటాడవలదు!
ఇతనిపైఁ జనవచ్చు - నే నాకు ననక
యతివ రోహిణి చంద్రు - నందినరీతి
నీ నాయక-నిఁ బొంది - నెమ్మదినుండు
మేను గల్గియు నింక - నేల భేదంబు?
ఏలీల వచ్చితి - నేవార్ధి దాఁటి
యాలీలఁ జులకఁగా - నమ్మ! యేనెగసి 3000
నిను దాల్చి పోవుచో - నిర్జరులైన
నను గూడలేరు దా - నవులేమి లెక్క?
మానసవేగాస - మానసత్వములు
మానిని! కలవాఁడ - మసలక రమ్ము."
అన విని పులకించి - యనురాగ మొంది
హనుమంతుతో జన - కాత్మజ వలికె.
-:సీత హనుమంతుని బలము సందేహించుట:-
"నాతోడ నీవు వా - నరుఁడవుగాన
జాతికిఁ దగినట్టి - జాడఁ బల్కితివి.
ఏనెక్కఁ డీవెక్కఁ - డెంతకునెంత?
పూనిన నెత్తుక - పోవ నోపుదువె! 3010
జలధి నేక్రియ దాఁట - జను? నీకునింత
సులభమే? కనుఁగొను - చో నింత లేవు!
ఇందాక నీమాట - లే వినుటెల్ల
సందియంబయ్యె నీ - శపథముల్ వినిన.”
అని తన్ను నమ్మక - యసదుగా నెంచి
జనకజ వలుక స్వ - చ్ఛందగాత్రుండు
