116
శ్రీ రా మా య ణ ము
నిను వెదుకఁగఁ బోవ - నిజశక్తులెల్ల
మాటక చరియింప - మాజతవారు
మాట వాసుల దొర - మానసులగుట
‘గడువు మీఱెను జన - కజఁ గానమైతి
మడియాస లిఁకనేల - ప్రాణంబులందు
ననుచుఁ బ్రాయోపవే - శాలోచనముల
వెనుకటి సుద్దులు - వినఁ బల్కువేళ 2750
ననుజుఁడై నట్టి జ - టాయువు మాట
విని యా బిలంబులో - వెడలి సంపాతి
యెగిరి పోవుచు మాకు - నిచ్చోట నీవు
వగలతో నున్న తా - వల మేఱుపఱచి
పోవ నే మెల్ల నం - బుధిచెంతఁ జేరి
లావుల కొలఁదులె - ల్లరు తేటపఱుప
నెవ్వరిచేఁగాని - యీపూన్కిఁ జేసి
ఱివ్వున నేదాఁటి - ఱెక్కలతోడి
యచలమో యనఁ ద్రికూ - టాద్రిపై వ్రాలి
యిచట లంకాపురం - బెల్ల శోధించి 2760
అమ్మ! నాదైన పు - ణ్యవశంబుచేత
నిమ్మేర నినుగంటి - నీడేరెఁ బాటు!
మఱలి మావారికి - మాట యేర్పఱచి
తరణిజ దశరథ - తనయులతోడ
నీదు చందముఁ దెల్పి - నేవారిఁ గూడి
యీదశానను మదం - బెల్ల నడంచి
నినుఁగూర్తు శ్రీరాము - నికి నందుకతన
ననుపమంబైన వి - ఖ్యాతిఁ గైకొందు!
