పుట:Sri Ramayanamu Sundara Kanda Katta Varadaraju 1952 251 P 2030020024835.pdf/105

వికీసోర్స్ నుండి
ఈ పుట ఆమోదించబడ్డది

75

సుం ద ర కాం డ ము

భానునితోఁ బ్రభ - వాయునే? రాము
నేనేల మఱతు? నీ - వెఱుఁగవుగాక
విప్రునకును వేద - విద్యనే పోలి
యప్రతిమప్రతా - పాధికుండైన
శ్రీరామవిభున క - ర్పింపుము నన్ను.
నేరముల్ చూడక - నిన్ను రక్షించు 1770
శరణాగతత్రాణ - సద్ధర్మపరుఁడు
భరతాగ్రజుండు నా - ప్రాణవల్లభుఁడు!
బ్రదుకాస కలదేని - పరమకారుణ్య
సదనాత్ముఁడౌ రామ - చరణంబెదిక్కు!
రాముఁడు వింట న - స్త్రము పూనెనేని
నీ మాటమాత్రలో - నింద్రాదులైన
సురలతో భువనముల్ - చూర్ణంబు సేయు!
పరిహరింపఁగలేరు - బ్రహ్మాదులైన!
రామలక్ష్మణుల నా - రాచముల్ భుజగ
భీమంబులై లంక - బెకలించి కూల్చి 1780
దానవాన్వయమెల్ల - దహియించి నీదు
మేను వ్రయ్యలు జేసి - మేదినిఁ గూల్చి
తరువాత నను దత్ప - దద్వయ శోణ
సరసిజంబులఁ జేర్ప - జాలు నిక్కముగ!
శునకంబు బెబ్బులుల్ - చూచిన రీతి
ననిలోన నినుఁజూచి - నపుడు రాఘవులు
దిగిరేని వారల - దృష్టింప గలరె
నగవైరి నగచాప - నలినసంభవులు?