40
శ్రీరామాయణము
రామిగా వింధ్యప - ర్వతము మిన్నంద
మహిఁగ్రుంగఁద్రొక్కి హి- మనగంబుఁదాను
వహియించుకొని జనా- వళి నుద్ధరించె
నీశాంతమూర్తియే - హిమవన్నగమున
కీశుఁడు పెండ్లికి - నేగిన యపుడు 920
సురలెల్ల నుత్తర - క్షోణికి నేఁగ
ధరణి మొగ్గతిలంగ - దక్షిణంబునకు
నందఱికిని దుల - యై తాను వచ్చి
పొందుపాటుగ నిల్పె - పుడమి యంతయును
నీపుణ్య నిధి వార్ధు- లేడునుఁబట్టి
యాపోశనంబుగా - నరచేత నుంచె!
నితఁడు లోపాముద్ర- యిల్లాలు గాఁగ
నతిశయ పరమక - ల్యాణంబు లందె!
నీ యాశ్రమంబులో - నింద్రాదిసురలు
సేయు పూజలొసంగు - చింతితార్థములు 930
నిమ్మౌని యనుమతి- నెట్టివారైన
తమ్మినెచ్చలిమేని - ద్వారంబు దూరి
లాలించు దేవతా - లలనలఁగూడి
యే లోకమునకైన - నేఁగఁ జాలుదురు!
ఇచ్చోట నుండిన - నిఁకమన వెతలు
ముచ్చటల్ దీరి యి - మ్మునిరాజుఁ గొలిచి
మన పట్టణమున - నెమ్మది నున్నయట్టి
జనకజకుఁ బ్రియంబు - సమకూర్చవచ్చు
ముందరనేఁగి యి - మ్మునితోడ మనల
చందంబు జానకి- సహితంబుగాఁగ 940
