2
శ్రీరామాయణము
యరుగుచో నభమును - నర్కమండలము
కరణి భూసురు లుండు - కందువఁ జేరి
వనమృగంబులకు ని - వాసమై సకల
మునివరాగమ నాద - ములఁ జెలంగుచును
గలిత నానావిహం - గమకలస్వనముఁ
గలిగి యాదిత్య రా - కాచంద్రముఖుల
నాటపాటలచేత - నమరు నికుంజ
వాటికలను స్రుక్ స్రు - వమ్ములు దాల్చు
హోతలచే నొప్పు - హోమవేదికల
హేతులు వెలి విరి - యించు నగ్నులను 20
బలివిధానముల రం - భారసాలాది
ఫలమహీరుహములఁ - బద్మినీకుముద
జలజాకరముల భా-స్కరపావకులకుఁ
దులవచ్చు మౌనుల - తో విరాజిల్లు
నొక యాశ్రమముఁ జూచి - యుగ్రకార్ముకము
లొకరైన నెక్కిడ - నొల్లకఁ దమదు
భుజములఁ గీలించి - పోవు రాఘవుల
నజినోత్తరీయులై - నట్టి సంయములు
వెఱగంది కరుణతో - వీక్షించి చేరి
భరతాగ్రజునిఁ జూచి - పలికిరిట్లనుచు. 30
-: మునులకు శ్రీరాముఁ డభయప్రదానముఁ గావించుట :--
"అతిథివై తివి యస్మ - దాశ్రమంబునకు
నతివతో వచ్చి నీ - కర్చ లిచ్చెదము
అమరావతీపురం - బమరేంద్రుఁ డేలు
