ఈ పుట ఆమోదించబడ్డది
శుభమస్తు.
కట్టా వరదరాజకృతమగు
శ్రీరామాయణము
(ద్విపద)
ఆరణ్యకాండము
——: ఇష్టదేవతాస్తుతి :——
శ్రీరాజితశుభాంగ! - చిరగుణిసంగ
హారికృపాపాంగ! -యలమేలుమంగ
భావుక! శతకోటి - భానుసంకాశ!
సేవకాత్మనివేశ! - శ్రీ వెంకటేశ!
అవధారు! కుశలవు - లా రామచంద్రు
డవధరింపంగ రా - మాయణం బిట్లు
వినుపించు తత్కథా - వృత్తాంతమెల్ల
కనుపించు నవ్వలి - కథ యెట్టులనిన;
——: శ్రీరాముఁడు మునుల యాశ్రమముఁ జూచుట :——
అపుడు రాముఁడు దండ - కారణ్య భూమి
విపులతేజమునఁ బ్ర - వేశంబుఁజేసి
