42
శ్రీ వేంకటేశ్వర వచనములు
90
శేషశయనా ! నే నీమీఁద నేవలన నీ చి త్తంబు వెట్టెద ? నా యోగంబులు కాంతా సంయోగంబులు; నా నియమంబులు రేపుమాపు నన్న పానంబులు గొనుటలు ; నానిత్యకర్మంబులు సంసారకృత్యంబులు ; నా వ్రతంబులు రాత్రి నిద్రించుటలు; నా ధర్మంబులు శరీరభోగంబులు ; నా పదవులు బాల్య కౌమార యౌవనావస్థలు ; నా ఘటనలు పుణ్య పాపంబులు ; నా వేదపాఠంబు లన్యోన్యధిక్కారంబులు; నా పంచ యజ్ఞంబులు పంచేంద్రియ వ్యాపారంబులు; ఇవి మా వర్తనలు ; ని న్నెంచి చూచిన సకలలోకోన్నతుండవు; నిన్నుఁ బరికించి చూచిన నంతరమహాంతరంబుల నాలోనుండి రక్షించుచున్నాఁడవు; నీ గుణంబు లరుదయ్యెడి ; శ్రీ వేంకటేశ్వరా !
91
నరహరీ ! మొదలనే నోరు మాటలపుట్ట ; మౌనం బెట్లు సిద్ధించు ?వీనులు గిరిగుహలవంటివి. ఎవ్వరు మాటలాడినఁ బ్రతిధ్వనులవలె సాదింపుచుండు; అవి వినకుండ నెట్లుండవచ్చు. కన్నులు రూపంబు లకు నద్దంబువలె నున్నవి. ఇందు సకలంబును ప్రతిఫలించుచుండఁగాఁ జూడకుండ నెట్లుండవచ్చు ?. నీ దేహంబు నాఆకలి దినదినము పీడింపఁగాఁ జవులుగొన కెట్లుండవచ్చు? ముక్కున నొక్కొక్కదినము పదియొక్క వేయున్నా ఱునూఱుల యుచ్చ్వా సములు గలుగఁగా, వాసనలు గ్రోల కెట్లుండవచ్చు? నన్నియు నే ననుభవించిన నేమి నీవు రక్షకు డవై యుండఁగా; నేను నీకు గుఱి; నీ పాదంబులు నాకుగుఱి ; నన్ను నీ వెల్ల విధంబుల రక్షింతువుగాక ; శ్రీ వేంకటేశ్వరా !
92
ద్వారకావాసా! దేవుండవైన: నీకు. నాచర్మ మాంసాస్థిమయంబులైన కరంబుల మ్రొక్కుచున్న వాఁడను. పరమపావనం బైన నీ తిరు
