పుట:Shriiranga-mahattvamu.pdf/411

256

పంచమాశ్వాసము

మ.⁠

ధరణీనాయక నీకులం బతిపవిత్రంబయ్యె, నీ విమ్ములం బరిపాలించు మహీతలంబు నతిధన్యంబయ్యె, నీపుత్రులుం బరలోకోన్నతసౌఖ్య మొందిరి, దిశాపాలిన్ భవత్కీర్తులం జరగెం బుష్కరిణీనిమజ్జనము నిష్ఠ న్నీవు గావించుటన్.

⁠ 245

ఉ.⁠

నావుఁడు సంతసించి జననాథుఁడు తన్నుఁ గృతార్థుఁగా మదిం భావన సేయుచున్ విహగనాథునకున్ ధరఁ జాగి మ్రొక్కి సం భావన జేసి యాతఁ డనుపన్ బహుమంగళతూర్యమంజులా రావము లుల్లసిల్లఁగఁ బురంబున కేఁగెఁ జమూసమేతుఁడై.

⁠ 246

క.⁠

అతనికిఁ గలిగిరి నూర్వురు సుతు లందఱు రూపవిభవసుస్వరమతు ల చ్యుతసువ్రతనిష్టాపర రతులును నగువారు సుజనరంజితచరితుల్.

⁠ 247

క.⁠

వారు తనపంపు సేయఁగ నారాజవరుం డొనర్చె నమితాధ్వరముల్ నేరుపున సుజను లౌనన వారక దక్షిణలతోడ వైభవ మెసఁగన్.

⁠ 248

క.⁠

ఈలీల నతఁడు ధరణీ పాలన మొనరించి రాజ్యపదముకుఁ దనయుం జాలించి యితరసుఖములఁ దేలియుఁ దపమాచరించి త్రిదివము కేఁగెన్.

⁠ 249

వ.⁠

అని చెప్పి మార్కండేయుం డన్నరేంద్రున కిట్లనియె.

⁠ 250

చ.⁠

జనవర! నీవు సోమకులసంజనితుం డనివార్యధైర్యస ద్వినయవివేకబాహుబలవిక్రమశాలివి, భూప్రజానురం జనచతురుండ వట్లగుటఁ జాల గృతార్ధుఁడ వయ్యు భక్తి నె క్కొనఁ జని చంద్రపుష్కరిణిఁ గ్రుంకిడి యచ్చటి విప్రకోటికిన్.

⁠ 251