పుట:Shriiranga-mahattvamu.pdf/407

వికీసోర్స్ నుండి
ఈ పుట అచ్చుదిద్దబడ్డది

252

పంచమాశ్వాసము


వ.

అని వినుతించి.

222


ఆ.

మౌక్తికాక్షసూత్ర మాణిక్య వల్లకీ
కలితపాణిఁ బద్మగర్భురాణి
వాక్య రాజకీర వరనీలవేణికా
కలితయైన వాణి గారవించి.

223


క.

తడయక ప్రత్యక్షంబై
యడుగుమ మమ్మనిన నాతఁ డామ్నాయంబుల్
గడముట్ట నెఱుఁగువైఖరి
గడనొత్తఁగ నొసఁగు మనినఁ గరుణ దలిర్పన్.

224


వ.

ఆవాగ్దేవి భూదేవున కిట్లనియె.

225


క.

నాముందట విహరించెడి
నీ మహిత పతగచతుష్క మిప్పు డుమిసిన యా
యామిషము నమలు మిఁక నీ
యామిషమున నొదవు నీకు నభిమతసిద్ధుల్.

226


చ.

అనుటయు నట్ల కాకని రయంబునఁ దానును బక్షిరూప మిం
పెసయ ధరించి, తత్పలల మించుకయేనియుఁ జిక్కనీక, చ
క్కన భుజియించి యున్న నధికంబగ శాఖల గల్గు వేదముల్,
తనమదిఁ బ్రస్ఫురింప వసుధామరముఖ్యుఁడు నాటినుండియున్.

227


క.

ఆ విహగవిమలరూపము
తా వదలకయున్నవాఁడు తత్సన్నిధికిన్
నీ వరుగు మనిన నా భూ
దేవుఁడు వెండియును దిగ్మదీధితితోడన్.

228


క.

ఆ విహగము లెవ్వియు శుచి
భావుండగు విప్రుఁ డెట్లు పతగోచ్ఛిష్టం