సముత్తుంగ శృంగార రసతరంగిణీ రథాంగ మిథునాయత పృథుస్తన
విన్యస్తకాంచన విపంచికా పంచమస్వర సుధారసాస్వాదనాదర మేదురా
మోదజనిత రోమాంచ కంచుకితకోమలాంగీం, నిగమవనసంచార సారంగీ,
మమర్త్యసరిదావర్త నివృత్తప్రవర్త గంభీర నాభిసరః కూల తమాలలతా
యత శ్యామసాధ్య మధ్యభాగాం, మహాభాగా, మధ్యుషిత నిశితపయోరుహ
భోగపరాగాను రాగానూదితమదవ దళిమదవతీ వినీల నీలమణిఘృణి సారస
రశనా నితంబబింబాం, హృద్యాధరవిద్యాధర మానినీ జేగీయమాన గుణ
కదంబా, మంబుదావసానసమయ సముదిత సంపూర్ణ పూర్ణిమాచంద్ర
చంద్రికా పటలానుకూల దుకూలాంతర తరత్ప్రభారంభరంభాస్తంభ శోభా
విజృంభణ స్తంభనోదీర్ణ వర్ణనీయోరుయుగళాం, విమోచిత సంసారనిగళా,
మృజురచిత కావాళోదారచారుతా సముల్లంఘన జంఘాల జంఘావిలాసా,
మఖిల సుమనోమనోనివాసా, ముదయ దహిమకర కరనికర దరదరుణతర
తరుణసరసిరుహ విలసన పరిహసన పరికరణ పరిణత జతురస కలిత
మృదుపదయుగళయుగప దవనతచతుర ఖచరయువతివిసర లసదలికతల
తిలకమృగమద జలకణ జనితకళంక శంకాకర నఖరశశంకాభిరామా, మస
మానభాగ్యసీమా మవిరళతరళ తారకాతివృత్త ముక్తాఫలహార కేయూరవలయ
భద్రముద్రికా మంజు మంజీరప్రముఖ నవ్యాభరణ కిరణస్ఫురణ పరిణాహ
దేదీప్యమాన దివ్యదేహాం, కమలభవవదనగేహా, మీహానురూప వరప్రదాన
కరువారసతరంగి తాపాంగవిలోకాం, పరిపాలిత సకలలోకా, మిందుకుంద
చందనమందారక బృందారకవాహినీ నీహార హార హర హీరాదిసమస్త
గౌరవస్తుతివైకల్య కరకల్యాణ కల్యాఘనాపఘననీకాంతి విశద విశదీకృత
దశదిశావకాశాం, విముక్త భక్తమోహపాశా, మారూఢ వేదాంగాద్యశేష
విద్యావిశేష పరిపదున్మీలిత విశ్వదృశ్వ ప్రపంచ వైభవాం, దూరీకృతభవా,
మభిధానభేదాపాదితానేక దేవతాశక్తిభా వానుభావైకభా స్వరూపాం, కలకంఠ
కలాపా, మభినవశరద నేహారంభ విస్రంభ విజృంభమాణ రోహిణిరమణ
కిరణనిరుద్ధ సమృద్ధ దుగ్ధార్ణవ నవోద్భూతబహుల లహరీ ఘుమఘుమధ్వాన
సంరంభ సాహిత్య సుకవిశుకనికర ఫలభరిత మధుర మాకందశాఖాం,
శేఖరీకృత శీతాంశురేఖా, మమిత సౌభాగ్యసారదాం, శారదాం, మన్మహే
మన్మహే.
