పుట:Shriiranga-mahattvamu.pdf/403

వికీసోర్స్ నుండి
ఈ పుట అచ్చుదిద్దబడ్డది

248

పంచమాశ్వాసము


ఉ.

పారమునందఁగా నిగమపాఠ మొనర్పఁగఁ బూని యీగతిన్
ఘోరతపంబు సేసి కనుగొంటిని వేదమయాత్ము భక్తమం
దారుఁ, ద్రిమూర్తి, శక్తియుతు, దారుణదుర్భవవైరి, నిన్ను నా
కోరిక జాగు సేయ కొడఁగూడఁగ జేయుము సత్కృపామతిన్.

206


వ.

అనినఁ బ్రభాకరునకు విభాకరుం డిట్లనియె.

207


క.

పురుషుని పురుషార్థంబుల
నరికట్టు, ననేకవిధభవార్జితదురితో
త్కరముల వినాశ మొందఁగఁ
బరిపూర్ణముగా నభీష్టఫలసంసిద్ధుల్.

208


క.

కావున బాపక్షయమగు
నావెర వెఱిఁగింతు నీకు నబ్జోదరని
త్యావాసమై త్రిలోకీ
పావనమగు రంగధామ పరిసరభూమిన్.

209


వ.

సకలతీర్థోత్తమం బగు పుష్కరిణీతీర్థంబు గల దచటికిఁ జని తపంబు
గావింపు మానెపంబున నశేషదోషఘ్నంబులగుఁ గావునం దత్సంకల్పంబు
ఫలియించు. నింక నొక్క విశేషంబు వినుము.

210


సీ.

కలఁడు సునేత్రవిఖ్యాతుఁ డచ్చట నొక్క
పక్షీంద్రుఁ డతఁడు దపంబు పేర్మి
నజునిచే వేదంబు లన్నియుఁ దుదముట్ట
నెఱుఁగు నట్లుగ వరం బెలమి వడసి
యఖిలవిద్వత్జ్ఞానియై నిర్మలజ్ఞాన
పరుఁడయి భోగైకనిరతుఁ డగుచు
నాత్మసమానసాచారసంపన్ను
లగు విహంగములు తన్నర్థిఁ గొల్వ


ఆ.

రంగనాథు దివ్యమంగళవిగ్రహ
ధ్యానసౌఖ్యలీలఁ బూని పెద్ద