పుట:Shriiranga-mahattvamu.pdf/401

246

పంచమాశ్వాసము

చ.⁠

అనిన విరించి యిట్లను మహాద్భుతమైన భవత్తపంబు పెం పున సులభంబు లైనవి సమున్నతశాశ్వతపుణ్యలోకముల్ జననుత నీకు నం దమితసౌఖ్యము లొందుచునుందుఁ గాక యీ యనువున నందరానిఫల మందఁగ జేతులు జాఁచ నేటికిన్.

⁠ 195

వ.⁠

అనిన నతం డిట్లనియె.

⁠ 196

క.⁠

మది కింపుగాని మాటలు పదివేలును జెప్పనేల భాషాధిప! యిం పొదవెడి నాదివిజాధిప పదమైనను నొల్ల వేదపాఠముదక్కన్.

⁠ 197

వ.⁠

అనిన నామాటలు సమ్మతింపక భారతీకాంతుం డంతర్హితుం డయ్యె, నాప్రభా కరుండును దృఢనిశ్చయుండై వెండియు నతిఘోరతపంబు గావింప నిలింప ప్రబోధితుండై చతుర్ముఖుండు మఱియు రెండువరుసల నాతపోధనసత్తము పాలికిం జనుదెంచి యతని పూనిక వదలింపలేక నిజలోకంబున కరిగె నంత.

⁠ 198

శా.⁠

పాదం బొక్కటి నేలనూఁది శుచియై పంచాగ్నిమధ్యస్థితుం డై, దృష్టుల్ దివిఁ జేర్చి, యమ్మునివరుం డస్వీకృతాహారుఁడై వేదాత్మున్ విధివిష్ణుశంకరమయున్ విశ్వేశు సంపూజ్యు న య్యాదిత్యున్ మది నిల్పి చేసెఁ దప మత్యంతస్థిరస్వాంతుఁడై.

⁠ 199

చ.⁠

అరుదుఁగఁ దత్తపంబు మహిమాతిశయంబున కిచ్చ మెచ్చి బం ధురమణిభూషణప్రతతితోఁ బరితప్తసువర్ణవర్ణవి స్ఫురణ దలిర్ప మేనిజిగి పొత్తొసగూడి ప్రవాళపాటలాం బరకుసుమానులేపనవిభాసురుఁడై యతఁ డున్నచోటికిన్.

⁠ 200

సీ.⁠

తొవలవాకట్టు చందురుతోడి పెన్నుద్ది, తమ్ములవిందు వేదములప్రోవు, వెన్నెలపులుగుల వెఱ గొంగ జక్కవ, కవల మోహపుమందు కైటభారి,

⁠