పుట:Shriiranga-mahattvamu.pdf/391

236

పంచమాశ్వాసము

క.⁠

నానావిధబాధలచే మేనులు తుత్తుమురుగాఁగ, మిగిలిన వగలన్ మానక వాపోయెడి నీ ప్రాణుల వీక్షించి భయము నందితి ననియెన్.

⁠ 134

క.⁠

ఆనరపతి కిట్లను రవి సూనుఁడు, భూనాథ! వింతచోద్యంబులు నీ చే నెఱిఁగితి మిట్టిది గల దే 'నియతిః కేనలంఘ్యతే' యన వినమే!

⁠ 135

క.⁠

దురితాత్ములకును, నిర్మల చరితులకును, విపులదుఃఖసౌఖ్యము లొందం బరమేష్ఠికల్పితము లగు నరకస్వర్గములు నూతనములా తలఁపన్.

⁠ 136

క.⁠

మును చేసిన దురితమ్ముల కనురూపములైన తీవ్రయాతనలఁ గడున్ వనరుచు మొఱలిడు వారలఁ గనుకొని నీ కేల భీతిఁ గంపింప నృపా!

⁠ 137

ఉ.⁠

నావుఁడు నిట్లనున్ మనుజనాయకుఁ డాసమవర్తితోడ నా నావిధతీవ్రబాధల ననారతముం బరితాప మంది వా పోవుచునున్నవారు తమపూర్వభవంబున నెట్టి పాపముల్ వావిరిఁ జేసినారోొ? బలవద్విషయవ్యసనాతిసక్తులై.

⁠ 138

సీ.⁠

ఆనతి యిమ్మన్న నమ్మహీనాథుతో ననియె వైవస్వతుం డనఘ! వినుము, గురుల, దేవతల, భూసురులను నిందించు దుష్టాత్ములను, మహాదురితమతులు, నాచారహీనులు, నతినిర్దయాత్ములు, గ్రూరకర్ములుఁ, గృతఘ్నులును, ఖలులు,

⁠