పుట:Shriiranga-mahattvamu.pdf/390

శ్రీరంగమహత్త్వము

235

⁠

కిరణసహస్రప్రభారమ్యంబును నగువిష్ణులోకంబున ననేకకల్పంబులు సుఖం బుండె నని సనత్కుమారుండు వెండియు నిట్లనియె.

⁠ 127

చ.⁠

కుశలుఁ డనంగ నొక్కనృపకుంజరుఁ డొప్పు సురద్రుమంజరీ శశధరకుందకందుకవిశారదశారదచంద్రచంద్రికా విశదయశోవిశాలుఁ డరవిందహితాన్వయదీపకుండు దో ర్నిశితకృపాణనిర్దళితనిష్ఠురశాత్రవవీరుఁ డుర్వరన్.

⁠ 128

ఉ.⁠

అతఁడు ద్వాదశివ్రతపరాయణుఁడై, కమలాక్షుఁ గౌస్తుభ ద్యోతితవక్షు నిండుమదితో భజియించుచు, నొక్కనాఁడు సం జాతకుతూహలంబున నిజప్రియబాంధవుఁడైన భానుమ త్సూతిఁ గనుగొనం జనియె సుందరహేమరథాధిరూఢుఁడై.

⁠ 129

క.⁠

సమవర్తియు నానృపవరు బ్రమదంబున గౌఁగిలించి బహుమానముగా రమణీయరత్నమయపీ ఠమునం జేసేతఁ దిగిచి డగ్గఱ నునిచెన్.

⁠ 130

క.⁠

ఆతఱిఁ దత్సముఖమ్మున యాతనలకుఁ దిగువ విహ్వలాత్మకులై త ద్దూతలచేత దృఢగదా ఘాతంబుల నొరయ నారకప్రకరములన్.

⁠ 131

క.⁠

కనుఁగొని భయంబు మనమున బెనఁగొన, నంగములు వడుక, బెగ్గిలి దీనా ననుఁడై తపించి సింహా సనవిమతియు నొంది యరుగు జననాయకునిన్.

⁠ 132

చ.⁠

కనుఁగొని కాలుఁ డిట్లను జగన్నుతపుణ్యచరిత్ర! నేఁడు నీ మనమున నిట్టిభీతి పొడమం గతమెద్దియొ కాకవిస్మృతిం దనుకుట కేమికారణము? తప్పక చెప్పుము నాకు నావుఁడున్ వినయవినమ్రుఁడైన పృథివీపతి యాతనితోడ నిట్లనున్.

⁠ 133