పుట:Shriiranga-mahattvamu.pdf/378

వికీసోర్స్ నుండి
ఈ పుట అచ్చుదిద్దబడ్డది

శ్రీరంగమహత్త్వము

223


గొనియాడ వేదవిద్యా
ఘనులగు భూసురులఁ గూడి క్రతు వొనరింపన్.

70


శా.

చండాంశుప్రతిమప్రతీకరుచు లాశాచక్రవాళంబునన్
నిండం బర్వ బ్రవాళపాటలజటానీకంబు దూలం గ్రియా
పాండిత్యప్రధమానసంయమికదంబం బర్థి సేవింప మా
ర్కండేయుం డరుదెంచెఁ దన్మఖదిదృక్షాకౌతుకోల్లాసియై.

71


తే.

అమ్మునీంద్రునిఁ గని వినయం బెలర్ప
నెదురుచని మ్రొక్కి తోడ్కొని యేఁగుదెంచి,
యర్హపీఠంబుపై నుంచి, యర్ఘ్యపాద్య
ముఖ్యసత్కారములు గ్రమంబున నొనర్చి.

72


క.

ఘనులగు తదీయశిష్యుల
మన మలరఁగఁ బూజచేసి, మనుజాధీశుం
డనురాగంబున నమ్ముని
యనుమతి ఋత్విజులుఁ దాను నాసీనుండై.

73


క.

క్షేమంబే మీకును, శిష్య
స్తోమమునకు నీతిబాధ చొప్పడక తపో
భూమి దలిర్చునె విఘ్నము
లేమియు గైకొనక జరుగునే సత్తపముల్.

74


చ.

అనవుడు, నమ్ముని ప్రవరుఁ డానృపుతో భవదీయరక్షచేఁ
బనువడు మాకు సర్వమును భద్రము, నీవును నీ సుహృజ్జనం
బును సుఖమున్నవారె, గుణభూషణ! సత్సుతలాభకాంక్ష నె
క్కొన నొనరించు నీమఖము కోరి కనుంగొన నిందు వచ్చితిన్.

75


క.

దీన భవదీప్సితార్థము
గానేరదు, పూర్వజన్మకలుషం బధికం
బై నరుఁ డొనరించెడి సుకృ
తానూనఫలాగమంబు నదిపెట్టు నృపా!

76