పుట:Shriiranga-mahattvamu.pdf/377

వికీసోర్స్ నుండి
ఈ పుట అచ్చుదిద్దబడ్డది

222

పంచమాశ్వాసము


సదమలబుద్ధిఁ జేసితి ప్రశస్తమఖంబులు, జీవలోకసౌ
ఖ్యదములుగా వనంబులు జలాశయముల్ కడుఁ బెక్కొనర్చితిన్.

64


క.

సుకృతము లెడపక సేసియుఁ,
బ్రకటితసంపదలఁ బెంపు వడసియుఁ గులదీ
పకుఁడగు సుతుఁ గనుభాగ్యం
బొకటియ లే దనిన మనుజుఁ డొందునె శుభమున్.

65


క.

వరపుత్రవంతులకుఁ గల
దరయఁగ సద్గతిసుఖంబు, 'నాపుత్రాణాం
పరలోకస్థితి' యనఁగా
బరఁగెడు వాక్యంబు వినమె బహుశాస్త్రములన్.

66


క.

మేదిని బరఁగిన లౌకిక
వైదికధర్మంబు లెఱుఁగు వఱతలు గడుమీ
రేదిగతి చెప్పుఁ డిఁకఁ బు
త్రోదయలాభోత్సవంబు లొందని నాకున్.

67


ఉ.

నావుడు వార లమ్మనుజనాయకుఁ గన్గొని పూర్వజన్మసం
భావితపాపయుక్తి ననపత్యుఁడ వైతివి నీవు దీనికిం
గా వగ పేటికిం బటుశిఖావిసరోజ్వల మైనవహ్నిఁ గా
ష్టావలిఁబోలె గాచు నశుభాతిశయంబులఁ బుణ్యకర్మముల్.

68


వ.

తొల్లి దుందుమార సగర దిలీప దశరథాది మేదినీశులు హృషీకేశు నారాధించి
తత్ప్రసాదంబున నసాధారణబలపరాక్రమసౌభాగ్యవినయవిధేయత్వాదిగుణ
గణాదారులగు కుమారులం గనిరి, నీవును దత్ప్రకారంబునఁ గారుణ్యసింధు
వగు సింధురవరదునిం బూజింపుము, రథాంగపాణి భవన్మనోరధంబు సఫ
లంబు సేయు నెడసేయక తత్ప్రీతికరంబగు నధ్వరంబు గావింపు మనిన
సమ్మదం బంది యమ్మహీవరుండు.

69


క.

తన కనుసన్న నృపాలురు
పనిసేయు నుదారవిభవపరిణతదివిజుల్