పుట:Shriiranga-mahattvamu.pdf/371

వికీసోర్స్ నుండి
ఈ పుట అచ్చుదిద్దబడ్డది

216

పంచమాశ్వాసము


గూరక పలుకం గోరక
యూరక నివ్వెఱగు నొందియుండిరి సభ్యుల్.

30


ఉ.

అత్తఱి నొక్కసంయమి పరాపరతత్వవిచారశాలి, భా
స్వత్తులితప్రభానిధి, నిజప్రతిమప్రతిభావిశేషసం
పత్తిఁ దనర్చు శిష్యులు శుభస్థితిఁ గొల్వఁగఁ జొచ్చివచ్చె, ను
ద్యత్తపనీయదీప్తసముదగ్రకవాటము యజ్ఞవాటమున్.

31


వ.

ఇట్లు చనుదెంచి సమంచితధ్యానతత్పరులగు ఋత్విజులను రాజునుం జూచి
యిట్లనియె.

32


శా.

ఏలా విఘ్నము పొందె నీ క్రతువు, మీ కిట్లేటి కేతత్క్రియా
జాలం బూరక తక్కి, బాలిశులయోజ న్నిల్పి చింతాత్ములై
కాలక్షేప మొనర్చి తారు మొదలం గైకొన్నకార్యంబు ప్ర
జ్ఞాలంకారులు గేలిఁ బుత్తురె వ్యథాధ్యానంబునన్ బుద్ధియే.

33


మ.

క్రతుకర్మంబు సమాప్తి సేయుఁ డని వల్కన్ వార లావిప్రు నా
తతతేజోనిధిఁ బ్రీతి గల్గొని మహాత్మా! మంత్రభాగంబు మా
మతులం దోపక తత్ప్రయోగవిధి సామర్థ్యంబునన్ వ్యర్ధవి
స్మృతి నొందెం గతమెద్దియో! యెఱుఁగ మీచిక్కట్లు నెక్కొంటకున్.

34


క.

అని యీవిధమున వారును
వినయము తోడుతను బల్క విప్రాగ్రణి యా
మునుల గనుంగొని జలద
స్తనితగభీరస్వరంబు సమకొనఁ బలికెన్.

35


ఉ.

కారణ మెద్దియే నొకటి గల్గక యీమఖవిఘ్న మొందఁగా
నేరదు, గావునన్ వినుము నిక్కము సర్వమయాత్ముఁడైన యం
భోరుహనాధుఁ డిమ్మహితభూరుహమంద నిరంతరంబునం
గోరి వసించియున్కి నెఱుఁగున్ దరితో నివి సర్వవృత్తమున్.

36


క.

పూజించి యడుగుఁ డీతరు
రాజము నిది చెప్పు మీకుఁ గ్రతువిఘ్నం బే