పుట:Shriiranga-mahattvamu.pdf/368

శ్రీరంగమహత్త్వము

213

చ.⁠

మునివర యీప్రదేశము సమున్నతయూపచయోపశోభితం బును, బరిపూర్ణపాత్రపరిభూషితవేదివిరాజితంబునై గనఁబడుచున్న దేనృపశిఖామణి సమ్మతిఁ జేసెనొక్కొ భూ వినుత మహాధ్వరంబు లతివిశ్రుతదక్షిణ లిచ్చి యిచ్చటన్.

⁠ 13

క.⁠

అనవుఁడు నాగౌతముఁ డి ట్లనియెన్ మిథిలాధినాథుఁ డైనవిదేహుం డొనరించెఁ బెక్కుయాగము లనఘ మహామునిసమేతుఁడై యచ్చోటన్.

⁠ 14

ఉ.⁠

నావుఁడుఁ బుట్టచూలి సుజనప్రియు గౌతముఁ జూచి సుస్వరం బై వినవచ్చుచున్నది నిరంతరమై యొక వేదఘోష మీ రావున నిట్టిచిత్ర మెచటన్ మును నే నెఱుఁగన్ మునీంద్ర! నీ వావిధ మెల్ల నాకుఁ దెలియన్ వినిపింపు సవిస్తరంబుగాన్.

⁠ 15

క.⁠

అని యడిగినఁ బ్రాచేతస మునివరుఁ డిట్లనియె గౌతముఁడు సకలజగ ద్వినుతప్రభావభూసుర వినుము పురావృత్త మొకటి వినిపింతుఁ దగన్.

⁠ 16

శా.⁠

భూనాథుల్ తనపంపు సేయఁగ జగత్పూర్ణప్రతాపోదయ శ్రీ నొప్పారు విదేహభూమిపతి భూరిద్రవ్యదానంబులం దీనానాథుల కెంతయుం బ్రియము సంధిల్లం బ్రయోగానుసం ధానప్రౌఢిమ నీశ్వరానుమతి జన్నం బర్థిఁ గావింపఁగాన్.

⁠ 17

క.⁠

ఒకనాటి రాత్రి ఋత్విక్ ప్రకరముఁ బరిచారకులుకు బడలిన మేనన్ సకలంబు మఱచి నిద్రా వికలేంద్రియు లగుచునున్నవేళం బెలుచన్.

⁠ 18

చ.⁠

అలరఁగ నొక్కకుర్కుర మనావృతభూరికవాటమైన త త్సలలితయజ్ఞవాటము వెసం జనఁ జొచ్చి, తదంతరంబునం

⁠