పుట:Shriiranga-mahattvamu.pdf/364

శ్రీరంగమహత్త్వము

209

⁠

పాతంబులును, గోకులంబులయంద భంగంబులును, భృంగంబులయంద మధుపానప్రసంగంబులును, వృద్ధదౌవారికాదులయంద దండగ్రహణంబులును దక్కఁ దక్కెడల లేక యొప్పు నందు.

⁠ 276

ఉ.⁠

భూజనదృక్చకోరపరిపూర్ణసుధాంశుఁడు కీర్తిచంద్రికా రాజితలోకుఁ డానతధరాతలనాధకిరీటరత్ననీ రాజితపాదపీఠుఁ డరిరాజకులాచలవజ్రపాణి పం కేజకులాన్వయాగ్రణి సుకీర్తినరేంద్రుఁడు సమ్మదంబునన్.

⁠ 277

క.⁠

హితబంధుమిత్రసేనా పతిసామంతప్రధానపరివారపురో హితసహితముగ వసించెను సతతమహీరాజ్యవిభవసౌఖ్యాన్వితుఁడై.

⁠ 278

ఆ.⁠

అట్ల పెద్దకాల మందుండి యాశ్రిత పారిజాతు సత్కృపాసమేతుఁ బ్రతిదినంబుఁ గౌరి భజియించె శ్రీరంగ ధాము నింద్రనీలధామదాము.

⁠ 279

ఉ.⁠

అంతనిజాత్మజాతు దళితారినృపాలుఁ బ్రజానుపాలనా త్యంతవిచక్షణున్, సుగుణధాముని సన్నుతనాము, బంధుసా మంతజనైకసమ్మతిని మంజులమంగళతూర్యసంగతుల్ రంతుగ మ్రోయఁ బ్రాజ్యనిజరాజ్యపదస్థుని జేసి నెమ్మదిన్.

⁠ 280

క.⁠

తగు లొండు లేక, మఱి యా జగతీనాథుఁడు విరక్తి సమకొన, మదిఁ బ న్నగతల్పు నిలిపి నియతిం దగఁ దప మొనరించి తత్పదస్థితి నొందెన్.

⁠ 281

క.⁠

అని ప్రాచేతసుఁ డాదర మెనయ భరద్వాజమునికి నెఱిఁగించిన యీ

⁠