పుట:Shriiranga-mahattvamu.pdf/346

శ్రీరంగమహత్త్వము

191

క.⁠

ఆలోన, వారి చిత్తము లాలోకింపం దలంచి యవ్విపినములో, నాలోక గోచరుఁడు గా కా లోకగురుండు చనియె ననుచరయుతుఁడై.

⁠ 196

క.⁠

అమ్మునివరులును, ద్రిభువన సమ్మోహన మగు తదీయచతురాకృతిఁ దా రిమ్ములఁ గనుగొనలేమికి నుమ్మలికము నెమ్మనముల నుప్పతిలంగన్.

⁠ 197

సీ.⁠

రాచిలుకలజోక రంతులుగాఁగఁ జ రించు లేమావుల క్రేవలందుఁ బరిపరిగతుల షట్పదములు భ్రమరించుఁ బువ్వారు నెలఁదీవపొదలతుదల మగకోవెలలు పంచమస్వరంబున నింపు పుట్టించుమరుగుల పొరుగులందుఁ గవకవపలుకు జక్కవకవ లిమ్ములఁ గ్రీడించుకొలఁకుల కెలఁకులందుఁ

⁠

తే.⁠

గలయ మెలఁగుచుఁ బలుమఱుఁ బిలిచి పిలిచి చొలవకెల్లందుఁ బరికించి చూచి చూచి యలఁత దలఁకొన మనముల నలసి యలసి కానలే రైరి యెబ్బంగిఁ గమలనేత్రు.

⁠ 198

క.⁠

ఆహారనిద్ర లెఱుఁగక యాహరి సందర్శనోత్సవాకులమతిఁ ద ద్వాహినిపొంత ననాదృత దేహవ్యాపారు లగుచుఁ ద్రిమ్మఱుచుండన్.

⁠ 199

వ.⁠

కొండొకకాలంబు చన నొక్కనాఁడు నభోమండలంబున నొక్కవాక్యం బిట్లని వినంబడియె.

⁠ 200