పుట:Shriiranga-mahattvamu.pdf/343

వికీసోర్స్ నుండి
ఈ పుట అచ్చుదిద్దబడ్డది

188

చతుర్థాశ్వాసము


హాలామదకలకిన్నర
బాలాసంగీతరవము ప్రమదం బెసగన్.

179


క.

లీలాగతి విహరించుచు
నాలాగున నమ్మునీంద్రు లందఱు రొదగా
సోలి వితర్కించు రవం
బాలించి తదంతికమున కరుదెంచుటయున్.

180


చ.

అతులితదివ్యతేజుఁ డగు నమ్మహితాత్మునిఁ గాంచి సంయమి
ప్రతతి ముదంబు సంక్రమము పైకొన డిగ్గనలేచి కోమలా
యతకుశవిష్టరంబున బ్రియంబునఁ నుంచి సుఖోపవిష్టులై
యతని ముఖేందుచంద్రికల నాత్మదృగుత్పలరాజి రాజిలన్.

181


తే.

అనఘ! నీవెవ్వ రబ్ధికన్యయునుబోని
యీవధూమణి మఱియెవ్వ రిట్లు నిన్నుఁ
బోలె సేవించు నీపుణ్యపురుషు లెవ్వ
రిటకు వచ్చిన కారణం బేమియొక్కొ!

182


చ.

అనవుఁడు, వారితోడ దరహాస మెలర్పఁగ నమ్ముకుందుఁ డి
ట్లను వినుఁ డీప్రదేశమున నర్థిం జరించెడినట్టివాఁడ ని
వ్వనరుహనేత్ర నాహృదయవల్లభ నే నిట వేఁటవచ్చి మీ
పెనురొద వార్ధిఘోషమున బేర్చుటయున్ విని యేఁగుదెంచితిన్.

183


క.

మిముఁ బొందగంటి శుభములు
సమకొనియె, మనోరథంబు సఫలం బయ్యెన్
సుమహితసాధుసమాగమ
మమితశ్రేయఃపరంపరావహముగదా!

184


వ.

అనిన గంభీరభావబంధురంబులును, మధురంబులు నగు తదీయవచస్సుధా
పాథోనిధివీచులం దేలి యమ్మునివర్యు లాశ్చర్యంబున నప్రతీపలావణ్యరూప
తారుణ్యతేజోవిరాజమానశుభలక్షణాదారం బగు తదాకారంబు డెందంబుల
కమందానందంబు నొందింప నందంద చూచి తమలో నిట్లనిరి.

185