పుట:Shriiranga-mahattvamu.pdf/333

178

చతుర్థాశ్వాసము

క.⁠

కావున నప్పరమేశ్వరుఁ బావనమతిఁ బూజ సేసి పడయుము ముక్తిన్ శ్రీవనితాసంగమసం ధావితనిరవధికసౌఖ్యపరిణతి నధిపా!

⁠ 122

ఆ.⁠

అనినఁ బరమయోగిజనులకు నైనను తలఁపులోన నిలుపఁ దరముగాని యట్టిదేవు చంచలాత్ముఁడనైన నేఁ గొలుచు టెట్లు భయము గెలుచు టెట్లు.

⁠ 123

సీ.⁠

నావుడు నన్నరనాథుతో సంయమి శ్రేష్ఠుఁ డిట్లను నీవు చెప్పినట్లు యెంతటివారికి నెఱుఁగ శక్యముగాక దీపించు బ్రహ్మస్వరూపి యగుచు వెలసిన యమ్మహావిష్ణుఁ డేకాగ్రభా వమునఁ దన్ను భజించువారిఁ బ్రోవ వలసి సత్కరుణమై వాసుదేవాదిక మూర్తులు దాల్చి యంబుజభవాది

⁠

తే.⁠

సురలు నరులును సన్మునివరులు గొలువఁ బరఁగు తద్దివ్యభవ్యరూపంబులందు నీమనం బెందు నిశ్చలనియతి నిలిచె నది భజింపుము సిద్ధించు నభిమతములు.

⁠ 124

క.⁠

అదియునుంగాక.

⁠ 125

తే.⁠

దారుధాతుశిలానిర్మితంబు లైన యట్టి హరిబింబములను ధరాధినాథ దివ్యదేశంబు లెఱుఁగు మద్దేవుఁ డందు నిత్యసన్నిహితాత్ముఁడై నిలుచుఁ గాన.

⁠ 126

మ.⁠

గురులీలన్ విరజోపకంఠమున వైకుంఠంబునన్ దివ్య సురభోగంబుల నిందిరాసహితుఁడై శోభిల్లు నేభంగిఁ దా

⁠