పుట:Shriiranga-mahattvamu.pdf/321

వికీసోర్స్ నుండి
ఈ పుట అచ్చుదిద్దబడ్డది

166

చతుర్థాశ్వాసము


భక్తి నిండార శ్రీరంగపతి భజించు
కౌతుకంబుఁ దలిర్ప నక్కడికి నడచి.

59


శా.

ఆలోలామలచారుకోమలతరంగాహన్యమానోల్లస
త్కూలానోకహపుంజమంజుసుమనోగుచ్ఛావళీసుప్తమ
తాళివ్రాతఁ, గవేరజాతఁ, గని యం దర్థిం గృతస్నానుడై,
యాలోకించె ననంతరంబ మునిభావాసాంగమున్ రంగమున్.

60


వ.

కని తదభ్యంతరంబుఁ బ్రవేశించి యందు.

61


క.

శరదమలకమలలోచను,
దరదళితసరోజధాము ధామశ్యామున్
దరహాసవికసితాననుఁ,
గరుణానిధి, శేషశాయిఁ గామితదాయిన్.

62


క.

సందర్శించి ప్రణామము
లందంద యొనర్చి తనుఁ గృతార్థునిఁ గాఁగం
డెందంబున దలఁచుచు ద
న్మందిరము వినిర్గమించి మది ముద మొదవన్.

63


సీ.

సజలధారాధరశ్యామకోమలగాత్రుఁ
బ్రత్యూషధవళాబ్జపత్రనేత్రు,
మహనీయకురువిందమణికుండలోద్భాసు
మధురాధరోల్లసన్మందహాసు,
రత్నహారాంకితోరస్స్థలపరిణాము,
దివ్యాంగదోజ్వలదీర్ఘబాహుఁ,
గటివిస్ఫురత్పీతకౌశేయపరిధాను,
బరిపూర్ణయౌవనభ్రాజమాను,


తే.

ధీరు నఖిలైకమోహనాకారు నాత్మ
సన్నిభ ద్విత్రిభక్తానుచరసమేతుఁ,