పుట:Shriiranga-mahattvamu.pdf/303

వికీసోర్స్ నుండి
ఈ పుట అచ్చుదిద్దబడ్డది

148

తృతీయాశ్వాసము


జను జనులు బధిరులై, మహి
జనియింతు రనేకజన్మజన్మములందున్.

272


క.

హరిబింబమైనఁ దత్పరి
కరమైన, ధ్వజంబునైనఁ గని మ్రొక్కక నా
దరబుద్ధిగడచిచనునా
పురుషులు జాత్యంధు లగుచుఁ బుట్టుదు రుర్విన్.

273


క.

హరినగరి కప్రదక్షిణ
సరణిం జనుదుర్వివేకి సంచితపుణ్య
స్ఫురణఁ బెడఁబాసి సంప
ద్విరహితుఁడై పిదప నరకవితతులఁ గూలున్.

274


క.

ద్వారమున జనక విష్ణున
గారము-మఱియొకడు వెంటఁగాఁ జొచ్చు దురా
చారమున జేసి నరుల కు
దారం బగుపుణ్యవితతి దలగు సురేంద్రా!

275


క.

ఈగతి మెలఁగక, దుర్మదుఁ
డై గంధర్వుఁడు విపద్దశాకులుఁ డయ్యెన్
వేగపడి విష్ణుదాసుల
తోఁ గరకరినొంది యశము దొలఁగితి వీవున్.

276


వ.

అని పలికి వారిజాసనుం డూరకయున్న నాశతమన్యుండు లజ్జావనత
ముఖుండై యిట్లనియె.

277


క.

చతురానన! నా కెంతయు
హితుఁడీ గంధర్వుఁ డెగ్గు లెన్నక కరుణా
మతిఁ జెప్పుము నాకొఱకై
యతనికిఁ గల్మషనివృత్తి యగుతెఱఁ గింకన్.

278


చ.

అనినఁ బితామహుండు దివిజాధిపుఁ గన్గొని, యిట్టిపాప మే
యనువునఁ దీఱనేర్చును సమర్చనవందనసంస్తవాదులం