పుట:Shriiranga-mahattvamu.pdf/275

వికీసోర్స్ నుండి
ఈ పుట అచ్చుదిద్దబడ్డది

120

తృతీయాశ్వాసము


శా.

భూతేశాహ్వయు లుగ్రదండధరు లంభోజాప్తతేజుల్ సము
ద్ధూత స్వేదలలాటభాగ వికటభ్రూభీషణుల్, మమ్ము-ని
ర్ఘాతక్రూర కరాంఘ్రిజానుహతులం గావించినం దోలి-నే
మాతుచ్ఛుం దిగనాడి వచ్చితిమి నీ కాద్యంతముం జెప్పఁగాన్.

121


క.

అనుపలుకులు దనచెవులకు
ననయంబు నసహ్య మగుచు, సనలములో గొ
బ్బున నే పోసిన విధమున
కనలి పరేతప్రభుండు కటకటపడుచున్.

122


శా.

ఏమేమీ మది నింతయున్ భయములే కెవ్వారొకో మూఢులై
యామీదం దమపా టెఱుంగక మదీయాజ్ఞానిరోధక్రియా
సామర్థ్యంబు భజించినారు త్రిజగత్సంజాతభూతావలిన్
నేమింపం దలితో హరింపఁ బ్రథులే న్నేఁదక్క నెవ్వారలున్.

123


వ.

అని యొక్కింతవడి చింతించి యంతకుం డంతకుమున్న సన్నుతాచార
భూషణుం డగువిభీషణుచేత నానీతంబైన శ్రీరంగంబునుఁ దదీయ నికటం
బునఁ గావేరీ తటంబున-నఖిలదురితహరణ సమర్ధం బగుపుష్కరిణీతీర్ధంబును
నతివిచిత్రం బగు నాపుణ్యక్షేత్రంబు మహత్త్వంబును-దద్దివ్యవిమానశయ
నుం డగుపుండరీకాక్షు మూర్తివిశేషంబును - దనమనోగోచరంబులైన నా
చరితాభివందనుండై యాభూతేశ్వరులు తీర్థరక్షకు లగుటయు-శూద్రుండు
తదనుచరుం డగుట యునికియుం దెలిసి నిజకింకరులం గని వారితో
నిట్లనియె.

124


క.

నిక్కముగ నామనంబున
నక్కడి వృత్తాంత మెల్ల నధిగత మయ్యెం
దక్కక వినిపించెద మీ
రక్కథ దత్తావధానులై వినుఁ డనుచున్.

125


సీ.

శ్రీరఘురాముఁ డాశ్రిత వజ్రపంజరుం
డఖిలకంటకుని దశాస్యుఁ దునిమి