పుట:Shriiranga-mahattvamu.pdf/243

వికీసోర్స్ నుండి
ఈ పుట అచ్చుదిద్దబడ్డది

88

ద్వితీయాశ్వాసము


స్పదమగు శ్రీరంగం బు
న్నది భజదపవర్గసాధనంబై నేడున్.

192


వ.

అని చెప్పి యప్పరాశరతనయుండు సవినయుండగు నాగదంతమునీశ్వరునితో
విట్లను నీప్రకారంబున భువనరక్షణపరాయణుండగు నారాయణుండు నిజా
వతార ప్రసంగంబు, సాంగంబుగా సుపన్యసించి, వెండియు సుబోధుఁ
గనుంగొని.

193


మ.

త్రిజగత్పావనతీర్థసారములు శక్తిశ్రీనిజాకారముల్
భజదిచ్ఛాఫలదప్రచారములు శుంభన్మంగళాకారముల్
కుజనవ్రాతవిదూరముల్ మధురనిర్ఘోషాదిగంభీరముల్
విజితా మౌఘవికారముల్ దలఁపఁ గావేరీపయఃపూరముల్.

194


క.

నీ వింపుమిగుల నీనది
గావింపుము నియతి సమవగాహాదివిధుల్
సేవింపు మెపుడు నను మది
భావింపుము రంగశయనుఁ బంకజనయనున్.

195


తరల.

అనుచు నీగతి భక్తవత్సలుఁ డైనయాహరి కర్ణమో
హన సుధామధురోక్తులం దగ నానతిచ్చినఁ బ్రీతుఁడై
మునిజనోత్తముఁ డాసుబోధుఁడు పూనితద్వచనక్రమం
బునఁ జరించుచునుండె దోషవిముక్త సాత్వికవర్తనన్.

196


ఉ.

ఈకథవిన్న వ్రాసినఁ బఠించిన నాయురనామయత్వముల్
చేకుఱు వేదవిత్త్వ, రిపుజిత్వ, ధనిత్వ, సుఖిత్వముల్ దిరం
బై కలుగున్ మహీసురనృపార్యజఘన్యజకోటి కున్నతుల్
బైకొను వంధ్య పుత్రుఁ గనుఁ బాయు ననేకభవార్జితాఘముల్.

197


వ.

అని యివ్విధంబునఁ బ్రసంగవశమునఁ గావేరీమహత్వం బుపదేశించె, వేద
వ్యాసమునీంద్రుండు చంద్రపుష్కరిణీప్రభావంబు దెలుపు తలంపున నాగ
దంతసంయమి కిట్లనియె.

198


చ.

అనుపమ దివ్యబోధమహిమాధికుఁ డైన సనత్కుమారస
న్ముని మును చంద్రపుష్కరిణి పొంత దపం బొనరించెఁ బైపయిం