పుట:Shriiranga-mahattvamu.pdf/228

శ్రీరంగమహత్త్వము

73

మ.⁠

సమభూమిం బరమోత్సవంబునఁ బ్రతిష్టాపించె శ్రీరంగముం గమనీయావృత నారికేళ కదళీ ఖర్జూర నారంగమున్ విమలార్థప్రతివాక్యవిశ్రుత వనీవిశ్రాంతసారంగమున్ సమభావార్యవిలోకితాభినవమోక్షశ్రీ నటీరంగమున్.

⁠ 111

సీ.⁠

పదపడి యద్దివ్యభవనంబు చుట్టును గోటలు నట్టళ్లు గోపురములుఁ బటుకవాటంబులుఁ బందిళ్లు నరుగులు గాంచనమయములుగా నొనర్చి పూజనాపరు లగుభూసురోత్తములకు బహుపరిచారికాప్రకరమునకు విష్ణుధర్మరహస్యవిదులైన ఘనులకు జాబాలిమునికిఁ గశ్యపవశిష్ఠ

⁠

తే.⁠

వామదేవాదు లగువారివారి కుచిత మైన నెలవులు రచియించి యందు నిలిపి తదనుమతి శాస్త్రచోదితోత్సవము లెల్ల వివిధ విభవాన్వితముగఁ గావించె హరికి.

⁠ 112

వ.⁠

విశేషించి ఫాల్గుణమాసంబునఁ బూర్వఫల్గుని నక్షత్రంబున బుత్రపౌత్ర సహితుండై -యవభృధసహితం బగుమహోత్సవం బొనర్చె-నివ్విధంబున బ్రతివర్షంబును జరుగుచుండు నంత నయ్యిక్ష్వాకువంశ పారంపర్యంబున.

⁠ 113

క.⁠

శశి మరుదశన దిశాకరి దశన శరచ్ఛరదశారదాశరధరరా ట్పశుపతి విశదయశోనిధి దశరథుఁ డుదయించె నమితదమనోరథుఁడై.

⁠ 114

శా.⁠

ఆరాజేంద్రుఁడు పుత్రలాభనిరతుండై యశ్వమేధంబు పెం పారం జేయఁగ దన్మహోత్సవదిదృక్షాయత్తులై వచ్చి రా

⁠