ఇట్లు వచ్చు నమ్మహాస్త్రరాజంబు తేజంబున దౌదౌలన దళితసంరంభంబై
దంభోళి పొడ వడంగిపోయినఁ గని జంభారి సిగ్గుపడి బెగ్గడిల దిగ్గన కనక
గర్భుపాలికిం జని తద్విధం బంతయుఁ జెప్పిన నప్పరమేష్టి యాశ్చర్యంబు
నొంది వైవస్వతనందను మనోరథమహత్త్వంబు దెలియం గోరి నిమీలితాష్ట
నయనారవిందుండై యానందంబున డెందంబునఁ గనువిచ్చి చూచి యా
భూవరోత్తము చిత్తము శ్రీరంగశయనప్రవృత్తం బగుటయెఱింగి-మైయెఱుం
గక యొల్లంబోయి మెల్లన తెలిసి నిజస్వామి యగుశ్రీరంగధాముని సన్నిధానం
బున కరిగి సురగణసమేతంబుగా సాష్టాంగప్రణామం బాచరించి, కృతాంజ
లియై ముఖకంజంబులు పుంజంబులుగా నూరకున్న యన్నలువపైఁ గృపాకటా
క్షంబు నిగిడించి పుండరీకాక్షుం డిట్లనియె.
