పుట:Shriiranga-mahattvamu.pdf/225

వికీసోర్స్ నుండి
ఈ పుట అచ్చుదిద్దబడ్డది

70

ద్వితీయాశ్వాసము


నిజపరాజయంబును సురరాజున కెఱింగించి-యథాస్థానంబున కరిగి రంత-
దురంతకార్యచింతాసంతాపితస్వాంతుండై మరుద్వంతుండు-

97


మ.

పటుబాహాబల దర్పితామరచమూపశ్రేణి గొల్వన్ సము
త్కటదీప్తానల విస్ఫులింగవిసరోగ్ర క్రూరధారాశత
త్రుటితగ్రావ గరుద్వితాన మగు నస్తోకాస్త్రముం బూని-యు
ద్భట దానాకుల గండమండల మహాదంతావళారూఢుఁడై.

98


క.

అతిరయమున నాధరణీ
పతికడ కరుగుటయుఁ దనకుఁ బ్రభుసముచితస
త్కృతు లాచరింపఁ బూనిన
యతని తపస్సిద్ధిఁ గని మహారోషమునన్.

99


క.

గిరిభేది వైచె నన్నర
వరుపైఁ బటు కుటిల కరినవైరివ్రజ ని
ర్భరగర్భ తిమిర సముదయ
హరణదినారంభహేళి నాదంభోళిన్.

100


వ.

ఇట్లు ప్రయోగించినఁ బ్రపంచితదీర్ఘనిరోషభీషణంబై —తనమీఁద నడరు
వజ్రాయుధంబు బెడిదంపుటురువడి కించుకయుఁ జంచలింపక యమ్మను
తనయుండు సకలభక్తభయత్రాణపరాయణం బగునారాయణదేవుని
చక్రంబుఁ దలంచి తత్క్షణంబ.

101


సీ.

ప్రళయమార్తాండమండల చండతరసము
ద్భూత భూరిప్రభాపుంజ మగుచు,
ఘనసహస్రార నిర్గతమహోగ్రానల
జ్వాలావలీఢ దిగ్వలయ మగుచు,
సహజ తేజోవిశేష క్షణాంతర్భూత
సర్వదివ్యాస్త్ర విస్తార మగుచుఁ
గఠిన నిర్ఘాత సంఘాత భీషణఘోష
నిర్భిన్న రాక్షసీగర్భ మగుచు,