పుట:Shriiranga-mahattvamu.pdf/216

శ్రీరంగమహత్త్వము

61

చ.⁠

అమరుల దివ్యబాణ నిచయంబుల పెల్లు దృణీకరించి-ద ర్పమునఁ జరించు పోటరులు, భామల కోమలహాస దృగ్విలా సముల ధృతుల్ గలంగి వివశత్వము నొందుట విశ్వలోక-దు ర్దమ భవదీయ కోరిక శరంబుల బల్మిగదా! మనోభవా!

⁠ 56

ఉ.⁠

ఏకమనస్కులై తగుల మెందును లేక విరక్త ధర్మశి క్షాకరులైనవారి నొకసందున డెందముఁ జూచి చించి-బ ల్కాఁకలు సేయు నీకు మహిళా సహచార దృఢావివేకుని క్ష్వాకుఁ బరాభవించు టనఁగా సరకా నరకాంతకాత్మజా!

⁠ 57

వ.⁠

అని యగ్గించి తత్కాల సముచితసత్కారంబుల నతనిఁబ్రీతుఁ గావించి వీడ్కొలిపి తత్కార్య సహాయంబుగా—సురగణికా నికాయంబును-బంపిన నయ్యచ్చరలు వియచ్చరేంద్రుపంపునఁ గందర్పునకు ముందఱ నిలచి యమ్మహీపాలుండు తపంబొనర్చు వనంబుఁ బ్రవేశించి యందు-

⁠ 58

సీ.⁠

కొమరారు చెంగల్వకొలఁకుల కెలఁకులఁ బూఁదేనెఁ దనివొందు పొదల మొదలఁ బొరలెత్తు కర్పూర తరువుల మఱువుల మది కింపుగల యెటిమడలకడల విలసిల్లు శశికాంతవేదుల వీదులఁ గేలి కిమ్మగు మేటిగిరుల తరుల నింపుగాఁ బండిన యీడల నీడల చెలువైన సురపొన్న చెట్లపట్ల-

⁠

తే.⁠

నాకుఁదీవెలక్రేవల నతిశయించు పోకమ్రాకులజోకల వీఁక నెగయు ఘనపరాగంబు రాగంబు బెనుప నెసఁగు మొగిలివనముల మనముల ముద మెలర్ప.

⁠ 59

క.⁠

మెలఁగుచు, మధురసముల జడి కలగుచు లీలాభినయ సమంచిత గతులన్ పిలఁగుచు, నవసరసోక్తులఁ జెలఁగుచు, నృపుఁ జేరి వేల్పుచేడియ లచటన్.

⁠ 60