పుట:Shriiranga-mahattvamu.pdf/214

శ్రీరంగమహత్త్వము

59

చ.⁠

మిలమిలమంచు మించు చలి మించుల ముద్దులచందమామ-కాం తులఁ దులఁదూఁగుక్రొమ్మొలకతూఁడుగొనం గబళించి త్రుంచి వి చ్చలవిడి మేసి గబ్బుఁగొని సమ్మదనాదము లొప్పఁజేసి లీ లల మలసెం గొలంకులకెలంకుల రాజమరాళదంపతుల్.

⁠ 47

సీ.⁠

తళుకుసుపాణి ముత్యాలమించుల మించి మెలయుచుక్కల మేనిమెఱుఁగుఁ దఱిమి, కలికిరాయంచఱెక్కల రేవగిలుమాడ్కి విరిమల్లెగుత్తుల మురుపుఁ దెగడి చదువుతొయ్యలిమేని చాయ నుల్లసమాడి వెలిదమ్మి మొగదల తెలివి గెలిచి జిగిమీఱు తొగరెక్క సిరులకు నసమిచ్చి పాపరాయనివన్నె కేపుచూపి

⁠

తే.⁠

పాలమున్నీటితరఁగల పనల నంచి కొండయల్లుని మైతెల్పు కొంచపఱచి కుప్పతిలు చుట్టుగొండపైఁ గొనలుసాఁగి వెలఁది వెన్నెల లెల్లడ వెల్లివిరిసె.

⁠ 48

ఉ.⁠

సారఁపుఁదేటవెన్నెల రసంబులు మేలిమి నల్లగల్వపూఁ గోరల నించి చందనపుఁగుబ్బలిపైఁ జనుదెంచుగాడ్పులన్ సారెకుఁ జల్లజేసి మృదుచంచుపుటంబులచేఁ జకోరముల్ కోరిక నిచ్చె మచ్చిఁగఁ జకోరిక లింపులఁ గోరగింపఁగన్.

⁠ 49

ఉ.⁠

గందపుఁగొండ నెత్తముల కందువ నేలకితీవయిండ్లలో గెందలిరాకుపాన్పున సుఖించి నితాంతరతిశ్రమంబులం జెందిన చెంచుగుబ్చెతల చెక్కులఁజిమ్ము జవాదివాసనల్ విందులు సేయుచున్ మెలఁగె వేమఱుఁ గోమలగంధవాహముల్.

⁠ 50

వ.⁠

అట్టి వసంతసమయంబున నవ్వనంబున దపోనిరతిశయంబున వర్తించు నమ్మార్తాండకులమండను తేజోనుభావంబు భావం బులు గలంప నిలింపు లాత్మపదభ్రంశనాశంక నందఱు పురందరు

⁠