పుట:Shriiranga-mahattvamu.pdf/211

వికీసోర్స్ నుండి
ఈ పుట అచ్చుదిద్దబడ్డది

56

ద్వితీయాశ్వాసము


ఉ.

ఆసమయంబున్ విరహితావరణం బగుచోటఁ బ్రౌఢప
ద్మాసనబద్ద విస్ఫురితుఁడై బహులాశనిజాత పాతసం
త్రాసము లేక భూరిజలధారల నెప్పుడు దొప్పదోఁగుచుం
జేసెఁ దపంబు రాజకులశేఖరుఁ డక్షయధైర్యశాలియై.

30


ఉ.

అంత నిరంతరంబును దురంతసమున్నతిమంతమయ్యె - హే
మంత ముదారవిస్ఫురితమంజులమౌక్తికజాల ఝల్లరీ
కాంతిలసత్తుషార కణికాపరిగుంభిత భిల్లభీరుసీ
మంతము దుర్గమక్రమవిమర్దిత పద్మవనాంత మెంతయున్.

31


వ.

మఱియును.

32


సీ.

ప్రత్యూషజృంభిత ప్రాలేయ దుర్లక్ష్య
మాణ పద్మభవాండ మండలంబు,
సంకులద్వాసర సమయ మందిరభవ
ద్యోత ఖద్యోత భానూత్కరంబు-
ఏతత నిశీధినీ వేళాసహస్పీత
శీతరుగ్బింబ విజృంభణంబు
శీతాంశు దుర్దినవ్రాత సంచితకరీ
షాగ్నిధూమావృతాళాంతరంబు


తే.

నగుచు నంతంత కెగసె నీహారధరణి
ధర సముదూత నిబిడశీతల సమీర
ణాభిసంపాత జాత మాయాతభీత
జంతుసంకాన మగుచు హేమంత మంత.

33


తే.

హిమముచే నంబరం బెల్ల నిమురుగొనఁగ
సుష్టకరుఁడును గరము లొయ్యొయ్య సాఁచి,
తాను ననలాంశ ధరియింపఁ బూనె ననఁగ
నెంత యనవచ్చు నింక హేమంత మహిమ.

34


శా.

ఆహేమంతదినంబులం ధరణిపాలాగ్రేసరుం డద్భుతో
త్సాహాటోపమునం గళద్వయసపాథఃపూర మధ్యస్థుఁడై