పుట:Shriiranga-mahattvamu.pdf/208

వికీసోర్స్ నుండి
ఈ పుట అచ్చుదిద్దబడ్డది

శ్రీరంగమహత్త్వము

53


క.

కావేరీతీర్ధస్థితు
లై వెలసిన దాక్షిణాత్యులం దనిశము-ల
క్ష్మీవరుడు రంగశయనుఁడు
దా వదలఁడు కరుణ వారితప మెట్టిదయా!

12


క.

ధారుణి గల నానావిధ
దారుణ దురితము లొనర్చు తామసు లైసన్
శ్రీరంగ దివ్యదేశము
జేరఁగఁ గలిగినను ముక్తిఁ జెందుదు రధిపా!

13


క.

క్రిమికీట విహగ మృగ తిమి
కమరాది ఖగోరగములు గను తమ తిర్య
క్త్వము దొఱఁగి శాశ్వతస్థితి
యమిత శ్రీరంగమందు నావాసమునన్.

14


క.

హరికృప గల ఘనులకుఁ గడు
నిరవగు నానెలవు నిలువ నితరుల కెల్లం
బురహర జలజభవాదిక
సురకృత విఘ్నముల నచటఁ జొరరా దెపుడున్.

15


మ.

వనజాత ప్రియవంశభూపణ లసద్వర్ణాశ్రమాచార-వ
ర్ధనులై - ధీధనులై - ముకుందపదసక్తస్వాంతులై - శాంతులై
ఘనులై సజ్జనులైన సాల్వికులు రంగక్షేత్రమం దెన్నఁ డెం
డును గ్రందై చరియింతు రప్పు దడఁగుం దుర్వారవిఘ్నావళుల్.

16


వ.

అది గావున-

17


ఉ.

దక్షుఁడవై జగజ్జనహితంబుగ నిప్పుడుఁ బూని శ్రీమద
ష్టాక్షరమంత్రచింతనపరాయణచిత్తుఁడవై - భజింపు మ
బ్జాక్షుఁ బయఃపయోధితనయాభినయాలన చారు చంచల
ద్వీక్షణ చంద్రికారుచుల వేదుకఁ జొక్కు చకోరవల్లభున్.

18