పుట:Shriiranga-mahattvamu.pdf/206

శ్రీరంగమహత్వం

ద్వితీయాశ్వాసము

క.⁠

శ్రీపతి కల్యాణ గుణా లాప! సమున్నిద్ర భద్రలక్షణ విలస ద్రూప! శశివిశద కీర్తి వ్యాపిత దిక్సీమ! బాగయప్రభురామా!

⁠ 1

వ.⁠

అవధరింపు మఖిలకథాకథన చాతురీజనిత జనరోమహర్షణుం డగు వ్యాస శిష్యనందనుండు దివ్యబోధను లగు శౌనకాది తపోధనులకుఁ జెప్పినట్లు — శ్రీరంగావతార ప్రసంగంబు తెల్లంబుగా విని యుల్లం బనురాగిల్ల నాగదంత మునివర్యుండు పారాశర్యుతో — మహాత్మా! సత్యలోకంబున లోకపితామహు నకు నిలవేల్పగు భుజంగతల్పుం డేకారణంబున నిక్ష్వాకుచేత నానీతుం దయ్యెఁ దవ్వృత్తాంతం బంతయు సవిస్తరంబుగా నెఱింగింపు మనిన— నాసంయమీంద్రుం డతని కిట్లనియె.

⁠ 2

శా.⁠

వైకుంఠాంఘ్రి సమర్చనాకలన హేవాఠుండు లోకోత్తర శ్లోకుం డార్తజనావనోదితదయాలోకుండు ప్రత్యర్థిలుం ఠాకుం డర్థిహితార్ధదానగుణగణ్యశ్రీకుఁ డేపార ని క్ష్వాకుం డర్కకులామృతాంబునిధి రాకాచంద్రికాలోకుఁడై.

⁠ 3

వ.⁠

ఆరాజశేఖరుం డాత్మగతంబున.

⁠ 4

శా.⁠

దైవవ్యాకులితాత్ములై -విషయచింతామగ్నులై-రోషమో హావేశావిలచిత్తులై - భవదవిద్యామత్తులై -దుర్భవ వ్యావృత్తిం బ్రసరించు మానవులభావం బింద్రియార్ధంబులం దావైరాగ్యము పొంది మోక్షపదవీ ధర్మం బపేక్షించునే.

⁠ 5

వ.⁠

మున్ను మత్పితృపితామహులైన వైవస్వతవివస్వంతు లమితానుభావు లగుటం-గమలభవలోకంబున కరిగి-యురగ గణార్చితుండై యురగరాజ

⁠