పుట:Shriiranga-mahattvamu.pdf/197

42

ప్రథమాశ్వాసము

⁠

జయవిజయులుఁ, బార్శ్వంబుల దుర్గాహేరంబులును, శిఖరంబున బ్రణవ స్వరూపిణి యగు భారతియును, గనకకలశంబుల నామ్నాయసముదాయం బును, నాసాముఖంబున రహస్యజాతంబును, బాదతలంబులఁ గ్రతుప్రతతియు, నంగుళీసంచయంబుల యజనంబును, నుదరంబున వావిర్జలంబును, మఱియు నెడనెడఁ బాకశాసన పరేతరాజ పలలాశన పాశపాణి పవమాన పౌలస్త్య పాశుపతులును నాదిత్యరుద్రమరుదశ్విని విశ్వదేవ సిద్ధసాధ్యులును, సప్త ర్షులు నక్షత్రగ్రహతారకంబులు - నాదిగాఁ గల చరాచరభూతజాలంబు లెల్లను దోచినఁ బరమాద్భుతసంభ్రమంబులు డెందంబున సందడింప నద్దివ్య మందిరంబునకుఁ బ్రదక్షిణాభివందనంబు లొనర్చి యభ్యంతరంబుఁ బ్రవేశించి యందు.

⁠ 194

సీ.⁠

తలగడగా నిడి తలమూఁది వలచెంపఁ గుడిహస్త మెత్తుగా నిడినవాని, మేలిచేఁ దొడవుల మెఱుఁగు దాపలు మించు పెలుకేలు కటిఁజూచి మెఱయువాని సిరిమేనిపొందునఁ జిత్తంబు సొగయింప నరమోడ్పుఁగన్నుల నమరువాని, నాకుంచితోన్నతం బగు వామపదమున బిరుదు నూపురము శోభిల్లువాని,

⁠

తే.⁠

మొలక నగవులఁ దెలివొందు మోమువాని మెఱపు గల మేఘరుచిఁ బొల్చు మేనివాని నురగశయ్యపై నొదికిలి యున్నవాని సకలశుభదాయి శ్రీరంగశాయిఁ గనియె.

⁠ 195

వ.⁠

కని యప్పరమేశ్వరు నిత్యనిరతిశయ నిరుపమ నిరవధిక లావణ్య సౌందర్య సౌకుమార్య చాతుర్య స్థైర్యగాంభీర్య సౌశీల్య వాత్సల్య తేజః ప్రభావ సౌభాగ్యసౌహార్ద దయాద్యనంత కల్యాణ గుణామృత సాగరాంతర్నిమజ్జ దఖిలావయవ సుఖానుభవ సముత్కటానంద పరిపూర్ణ మానసుండై, పునః పునఃప్రణామంబు లాచరించి నితాంతభక్తి వినయ వినమ్ర దేహుండై యిట్లని స్తుతించె.

⁠ 196