పుట:Shriiranga-mahattvamu.pdf/194

శ్రీరంగమహత్త్వము

79

క.⁠

ఆలోక పితామహునకు నాలోకన సమధికోజ్జ్వలాకృతి పటుభూ పాలోక మెసఁగ నవ్విభుఁ డాలోఁ బొడచూపి వేఁడు మభిమత మనినన్.

⁠ 180

తే.⁠

లీలఁ జాఁగిలి మ్రొక్కి, కెంగేలుఁగవలు ఫాలభాగంబునందున గీలుకొలిపి, బహువిధంబుల వినుతించి, పద్మభవుఁడు వేడ్కఁ దనకోర్కి యిట్లని విన్నవించె.

⁠ 181

ఉ.⁠

నేరెడుపండుచాయ రవణించెడు మేనఁ బదాఱువన్నెబం గా రొఱఁబట్టు పట్టుఁ, బసగందని తామరరేకు మైసిరుల్, దోరణఁగట్టి యేలు కనుదోయును, బొందుకు సుద్దియై మెఱుం గారు సురంబు కెంపు, దయనానిన యుల్లము చల్లచూపులున్.

⁠ 182

క.⁠

అలరిన లలితాకృతి నా తలఁపున నెలకొల్పినట్లు దైత్యాంతక యి మ్ముల నెల్లప్పుడు కనుఁగవ లలరఁ గనుంగొనెడి భాగ్య మంటింపఁగదే.

⁠ 183

వ.⁠

అని ప్రార్థించిన నాశ్రితవత్సలుం డగుశ్రీవత్సలక్షణుం డతనిదెస నెసఁగు దయావిశేషంబున నట్లకాక యని యానతిచ్చి యంతర్హితుం డయ్యె ననంతరంబ.

⁠ 184

సీ.⁠

ధ్వజగరుత్మద్దేహ ధగధగద్యుతులు లో కాలోక చరమాంధకార మణఁప, స్వచ్ఛముక్తాతపత్రచ్ఛాయ లసమయ చంద్రికావిలసనోత్సవముఁ జూపఁ బటుశాతకుంభ శుంభత్స్ఫూర్తు లంభోద పథమునఁ గుంకుమప్రభలు నెఱప మహనీయతోరణ మణిమయస్ఫూర్తియు గోచరప్రతతి చూడ్కులు మరల్ప

⁠