పుట:Shriiranga-mahattvamu.pdf/193

78

ప్రధమాశ్వాసము

⁠

బుల గలసి మెలసి చరింప ననుగ్రహింపు మీధునీవారిం జేరిన యనాథునీ వారిగఁ గలపి యనుగ్రహింపు మీప్రదేశంబున నొనర్చుజపతపోహోమ దానంబు లక్షయసుఖనిదానంబులుగా బ్రసాదింపు మని వినయ వినమితోత్తమాంగుండై యూరకున్న నన్నలిసోదరుండు సాదరుండై యతనిమనోరథంబు లవితథంబులుగా నొసంగి మఱియును.

⁠ 174

క.⁠

ధరణిసుర న న్నెఱుఁగుము పరాత్పరుఁ బ్రధానపురుషుఁ బరు నాద్యుఁ జరా చర భూత జాత భయసం హరు నారాయణు నమేయు నవ్యయుఁ గాఁగన్.

⁠ 175

తే.⁠

నిఖిలకర్తయు భోక్తయు నేన కాక లేదు నాకంటెఁ బర మొక లేశమైన నెంతవారును నాతెఱఁ గెఱుఁగలేరు సకలలోకనియంత్రి మత్సహజశక్తి.

⁠ 176

వ.⁠

అని యఖిలభక్తమనోరధానుసంధాయకుఁ డగు శ్రీరంగనాయకుఁడు తానగుట తేటపడుటకై యతని కాత్మావతారకథావృత్తాంతం బాద్యంతం బును దెలియ నానతియిచ్చె నత్తెఱం గెఱింగించెద నాకర్ణింపుము.

⁠ 177

క.⁠

ఏలావన హరిచందన జాలాభినవప్రసూన సౌరభ విలస ద్బాలానిల మృదులీలాం దోళిత కల్లోలమైన దుర్గాబ్ధిపయిన్.

⁠ 178

మ.⁠

అఖిలప్రాణిహితైకబుద్ధి నురగేంద్రానల్పతల్పంబునన్ సుఖలీలన్ శయనించియున్న హరిఁ దేజోమూర్తి, నాతాపసో న్ముఖుఁ గల్యాణకరుం గుఱించి దివసంబుల్ పెక్కు భక్తిం జతు ర్ముఖుఁ డత్యుగ్రతపం బొనర్చినఁ గృపాపూర్ణ ప్రసన్నాత్ముఁడై.

⁠ 179