పుట:Shriiranga-mahattvamu.pdf/190

వికీసోర్స్ నుండి
ఈ పుట అచ్చుదిద్దబడ్డది

శ్రీరంగమహత్త్వము

75


దగునె యనుచు ధారాధరధ్వానధిర
మైన వాక్యంబు వీతెంచె నంబరమున.

156


క.

ఆపలుకు తేటపడ విని
యేపున మునుఁ గ్రోలఁ గేల నిడి పూనిన త
ద్ద్వీపవతిజలము చలమునఁ
దాపసవర్యుండు వదలెఁ దత్క్షణమాత్రన్.

157


వ.

అప్పుడు మఱియు నంతరిక్షంబున నంతర్హితుం డైన దివ్యపురుషుం డతనితో
నీక కాచు కావేరకన్యక సకలభువనమాన్య దీని సామాన్యఁగా దలఁపవలవ
దమృతప్రాయంబు లగు నీతోయంబులు ప్రజాజీవనోపాయంబులై ప్రవర్తి
ల్లెడు, నదియునుంగాక పుండరీక మండల మధ్యమండనాయమానంబై
దురంతదుర్భరాతప సంతప్త జంతుసంతానంబునకు నిరంతరచ్ఛాయా
నోకహంబై సనకసనందన ప్రముఖప్రసిద్ధ సిద్ధముని శుద్ధాంతఃకరణ
సిద్ధాంతీకృత సుకృతవస్తుసారంబై రామాభిరామహేమ దామాకలిత హరి
నీలమణి కరండంబై శేషశయనంబు శ్రీరంగంబు శ్రీరంగధర్మం బను
నామంబుల భవ్యంబైనదిగా నవ్యయంబైన దివ్యధామంబై తదుభయ
ప్రవాహ పరిపాలితంబై మెఱయునది గావున నీపుణ్యతరంగిణి సరస
భాజనం బైనది గాని విరసభాజనంబుగా దనిచెప్పి యూరకుండె
వెండియు.

158


క.

అదివ్యపురుషవర్యుం
డాదరమున నితనితో మహామునివర యీ
ఖేదమును మాని మది నీ
కేది ప్రియం బదియె వేఁడు మిచ్చెద ననినన్.

159


ఉ.

అచ్చెరువంది సంయమి కులైకవిభూషణుఁ డేక్రియం బ్రియం
బిచ్చఁ దలిర్పఁ బల్కునతఁ డెవ్వఁడు తద్వచనంబ కానిరూ
పెచ్చటఁ గానఁబోల దిది యెంతయునుం గలయో యథార్థమో
చెచ్చెర నాదుపూన్కి వృధ సేయఁగ బన్నిన విష్ణుమాయయో.

160


వ.

అని యివ్విధంబున.

161