పుట:Shriiranga-mahattvamu.pdf/180

శ్రీరంగమహత్త్వము

25

మ.⁠

కలదయ్యద్రికిఁ దూర్పుచక్కి వకుళాఖ్యంబైన తీర్థంబు, ము న్నల జంభారి సురాధిపత్య హరితుండై తత్ప్రతీరంబునం బలివిధ్వంసిగుఱించి భక్తిఁ దప మొప్పంజేసి యాకల్పని శ్చలలోకత్రయరాజ్యలక్ష్మి దనరెన్ సంప్రీతచేతస్కుఁడై.

⁠ 108

ఆ.వె.⁠

అనిన నాగదంతుఁ డనఘ! శ్రీరంగంబు దితికులోద్భవుండు తెచ్చె నంటి వది కవేరకన్య కాభ్యర్ణవంబున నెచట నునిచె, నానతిమ్ము నాకు.

⁠ 109

క.⁠

అనవుడుఁ బరాశరాత్మజుఁ డను నతనికి వకుళతీర్థ మని యిప్పుడె చె ప్పిన యచటికి దక్షిణమున ననఘ! కల దనంతశయన మనుతీర్థ మొగిన్.

⁠ 110

సీ.⁠

ఎయ్యెడ లక్ష్మీసమేతుఁడై వసియించు నాదినారాయణుం డవిరతంబు నెచటితోయస్పర్శ మింత గల్గినమాత్ర నరులు పాపశ్రేణిఁ బరిహరింతు రెచ్చోట నొక దివంబేని నిల్చిన వారి కపునర్నరత్వమహత్త్వ మొదవు నెందుఁ దపస్స్థితిఁ జెంది సిద్ధర్షులు బహులతాగుల్మరూపముల నుందు

⁠

గీ.⁠

రే నెలవునందు దళమాత్రమైనఁ దునుమ బ్రహ్మహత్యసమం బగుపాప మొదవు నేస్థలంబునఁ గీటాదిహింస సేసి పతన మొందుదు రతిపుణ్యభావులైన.

⁠ 111

మ.⁠

సహజజ్ఞానయుతంబులై సరసభాషల్ ప్రీతిఁ జేతస్సుఖా వహముల్ గాఁ దగఁ బల్కుచున్ మెలఁగు సత్యస్ఫూర్తి నెందేని న

⁠