పుట:Shriiranga-mahattvamu.pdf/179

24

ప్రధమాశ్వాసము

ఉ.⁠

ఉన్నత రంగథామ లలితోభయపార్శ్వములం బ్రసన్నయై యన్నది యుబ్బిపాటుఁ, గలితాయత కంకణ మౌక్తికద్యుతి చ్ఛన్న మృదుప్రవాహములు సాఁచి చిరాగతుఁ బ్రాణనాయకుం జెన్నుగ నిండుకౌఁగిఁటికిఁ జేర్చి చెలంగు మృగాక్షి క్రైవడిన్.

⁠ 103

చ.⁠

అనుపమ దివ్యబోధమహితాత్ములు తత్తటినీతటంబులం దనిశము నిశ్చలస్థితికినై చరరూపము లుజ్జగించి నే ర్పున వివిధాచరాకృతులు పూనఁగఁ గోరుచు రంగధామముం గొనకొని పుట్టుచుందురు ముకుందపదార్పితమానసాబ్జులై.

⁠ 104

క.⁠

ఈవసుమతిఁ గలతీర్థము లావాహిని నెల్లప్రొద్దు ననుకూలమునై సేవింపుచుండుఁ బ్రవిమల భావంబున నంబురాశి పర్వంతముగాన్.

⁠ 105

క.⁠

సుర నర యక్షాసుర ముని గరుడోరగ సిద్ధసాధ్య ఖచరాదులు త డ్వర తీర్థ సార్థసేవా పరులై కని రభిమతార్థఫలసంసిద్ధుల్.

⁠ 106

సీ.⁠

అవి విను సంయమిప్రవర, స్వర్గద్వార మనునది దేవగణైకసేవ్య మాప్రదేశమునఁ బిండప్రదానాదులు పితృకోటి కక్షయప్రీతిదములు, తిలధేనుదాన మతిప్రశస్తము హరి సేవ కైవల్యలక్ష్మీకరంబు తత్సరమునఁ బ్రసిద్ధము పుండరీక మ చ్చో నొప్పు ఘనవట క్షోణిజాత

⁠

తే.⁠

మది హృషీకేశు నావాస మాసమీప మందుఁ బెంపొందుఁ గుశలాఖ్యమైన శైల మచటఁ దపముండి కాదె ము న్నాకపాలి బ్రహ్మహత్యామహాఘంబుఁ బాసి వెలిఁగె.

⁠ 107