జీమూతమూలంబు లగుతమాలంబులును, మేదురా
మోదముదితాయమానమానసమానవనికాక్రమేయ (?) ప్రవర్ధితపులకంబులై వనీముఖతిల
కంబు లగుతిలకంబులును, బ్రచలితపరిస్ఫుఠితఫలపరిమళప్రశంసాధరాధికవాఙ్మన
సంబు లగుపనసంబులును, సుధారసపూరంబు లగుతీరంబులును, దళితసౌగంధికమణి
బంధురప్రభాపటలపాటవపాటచ్చరచటులచంచూపుట పాటితమృణాళనాళమరాళ
తరళతరగరుదుదితసమీరసమీరితంబులై రంగరమణమంగళపూజాసమయసముచితచ
తురజలదేవలాంజలిపుటసముత్క్షిప్తపుష్పావహశుభాకరంబు లగువశీకరంబులును, బరస్పర
సంపాతకంపమానసంఫుల్లహల్లకవిసరదున్మదభృంగంబు లగుభంగంబులును, సేవాప
రిణితవరుణకన్యకాకరసరోజవీజ్యమానవిసృమరచమరవాలశంకాలవాలంబు లగు కపో
లంబులును, జలకేళీలోలబాలాకుచతటీపటీరపంకప్రవర్ధమానంబు లగుఫేనంబులును,
ముహుర్ముహురున్మజ్జనప్రవణఫణిఫణాముక్తాఫలానుగుణగణనాత్యద్భుతంబు లగుబుద్బు
దంబులును, నిజాంతఃకృతావగాహపావనదేహజనసందోహనివర్తితభావిభవావర్తంబు
లగునావర్తంబులును, వారిప్రసారతీరగారుత్మతమత్తమయూరరేఖామతల్లిక లగుశై
వాలవల్లికలును, శశిశకలవిశదవిశాతవనవరాహదంష్ట్రాముఖవిఖండితపర్యస్యముస్తకోశీ
రమపరిమళప్రాయంబు లగుతోయంబులును, నిరంతరనిరంతరాయనారాయణవినీతధ్యాన
పారాయణపరమయోగీంద్రపరిచితంబులై యనల్పకర్పూరపరాగపూగనిర్మలినంబు లగు
పులినంబులును, సమీపాశ్రమనివాసితాపసకుమారపరిక్షాళితమృదులవల్కలకషాయర
సపాటలంబు లగునికటస్ఫటికశిలాతటంబులును, దంతావళకలభదంతకాంతిదంతురి
తశశికాంతసోపానసులభప్రవేశంబు లగుజలావతరణప్రదేశంబులును, గలరవానుమే
యకలహంసకులవలయంబు లగుకువలయంబులును, ఘనఘనాఘనఘనరసపానసమ
యసముద్గమఘుమఘుమధ్వనిసన్మేషంబు లగుఘోషంబులును, సంకల్పభవసుఖాను
భవసంకల్పనిలింపదంపతికల్పితకల్పకిసలయానల్పతల్పమంజులంబు లగువంజులకుంజంబు
లు గలిగి, కలశాబ్ధియునుబోలె నమృతానందకారణంబై, రణరంగంబునుంబోలె ననేక
శతపత్రవిసరంబై, సరసిజాసనాకపోలంబునుంబోలె దర్పసారమకరీకాంతంబై, కాంతా
రంబునుంబోలె నుద్దండపుండరీకభాసురంబై , సురాచలశరాసనురేఖయుంబోలె నిర్మూ
లితానేక పురసాలపలాశబలంబై, బలానుజీవిక్రమంబునుంబోలె నపనయితనరక విగ్రహంబై,
గ్రహప్రచారంబునుంబోలెఁ గృతతారకోల్లంఘనంబై, ఘనాగమంబునుంబోలె నుదంచి
తలోహితంబై, లోహితాంశుతేజంబునుంబోలె సపహృతతమోవ్యాసంబై, వ్యాసవాగ్వి
లాసంబునుంబోలె నధివ్యాప్తిసుధీవరజాలంబై, జాలపాదంబునుంబోలె నకలుషమాన
సభాసమానంబై, మానవపంచాననునాననంబునుంబోలె సహస్రదంష్ట్రోజ్వలంబై, జ్వల
నజ్వలితంబునుంబోలె సంతర్పితగోచరంబై, చరమాచలంబునుంబోలె నవిశ్రాంతవేగా
క్రాంతకటకంబై, కటకంబునుంబోలెఁ గలితసువర్ణపద్మరాగంబై, రాగంబునుంబోలె
శ్రుతిప్రసిద్ధంబై, సిద్ధరసంబునుంబోలె శమితపరోరుతాపంబై, తాపసాశ్రమంబునుంబోలె
దూరీకృతోపప్లవంబై, ప్లవాకీర్ణంబయ్యును బరమహంససేవితంబై , సముదితాబ్దంబయ్యును
ఘటితచక్రంబై, తరణిమండలమండితంబయ్యును బ్రవృద్ధకుసుమంబై, హరివిహారస్థలంబ
య్యును సమదనాగంబై, లక్ష్మణానందంబయ్యును మేఘనాదాభ్యుదయంబై, యీశాను
వర్తియయ్యును సుకృతిస్తుతిపాత్రంబై, యతులస్పర్శంబయ్యును బహువారాగతవీర
ప్రకరకలితంబై, యర్జునశరపాతభయంబయ్యును సింధురాజప్రీతికరంబై విలసిల్లు వెండియు.
