పుట:Shriiranga-mahattvamu.pdf/175

20

ప్రథమాశ్వాసము

మ.⁠

విను మీమాటలు వేయునేటికిఁ దపస్విశ్రేష్ఠ! గోవిందశో భనలీలా చరణక్రియాకలిత సంబంధానుసంబంధబం ధ్యనుబంధి క్రమయోగ యోగ్యమగుభవ్య ద్రవ్య లేఖంబుతో నెనగా వన్యపదార్ధకోటులు నసంఖ్యేయప్రభావంబునన్.

⁠ 90

సీ.⁠

హరిదివ్యనామధేయమృతం బింపారఁ జెలఁగి యాస్వాదించు జిహ్వ జిహ్వ గోవిందకల్యాణ గుణవిశేషంబులు పలుమాఱుఁ దలపోయు తలఁపు తలఁపు కమలాక్షునిత్యమంగళమూర్తి విభవంబు సొంపార వీక్షించు చూపు చూపు ఫణిరాజతల్పు శ్రీపాదపద్మంబులు చేరి యర్చనసేయు సేఁత సేఁత

⁠

తే.⁠

వాసుదేవప్రియం బైనవ్రతము వ్రతము దైత్యభేది నుపాసించు తపము తపము శౌరి నారాధనము సేయు జపము జపము విష్ణుపదభక్తి సమకొల్పు వినికి వినికి.

⁠ 91

సీ.⁠

పటుతరభవరోగ పరితాపములఁ బాఁప నబ్జాక్షుసేవ దివ్యౌషధంబు, అంచితజ్ఞాన మహానిధానముఁ జూప నచ్యుతభక్తి శుద్ధాంజనంబు దుర్వార భయములు దొడరకుండఁగఁ జక్ర పాణి సంస్తుతి వజ్రపంజరంబు, ఇష్టార్థఫలసిద్ధు లెసఁగింప హరినామ పరన మంగళ కల్పపాదపంబు,

⁠

తే.⁠

విపుల దుర్మోహతిమిరంబు విరియఁజేయ నురగశయనుని పూజ సూర్యోదయంబు అనిమిషానందలీలల నునిచి మనుపఁ గమలనాభుని పదతీర్థ మమృతసరము.

⁠ 92