పుట:Shriiranga-mahattvamu.pdf/174

వికీసోర్స్ నుండి
ఈ పుట అచ్చుదిద్దబడ్డది

శ్రీరంగమహత్త్వము

19


యమికిఁ బరాశరాత్మజుఁ డుదాత్తకథా పరిపాటిఁ బుణ్యతీ
ర్థములును బుణ్యభూములు ముదంబునఁ దెల్పఁగఁ బూని యిట్లనున్.

84


చ.

త్రిభువన ధర్మరక్షణధురీణ విచిత్రచరిత్రుఁ డిందిరా
విభుఁ డెచటన్ వసించి దగువేళల నెందుఁ జరించు నేయెడన్
శుభమతి నాదరించి నెటఁ జూచుఁ గృపాన్వితదృష్టి నేమిటం
దభిరతి గల్గియుండు నివి యన్నియుఁ బుణ్యతరప్రదేశముల్.

85


క.

హరిచరణకమలరేణువు
పరమాణువు సోఁకినంత బావనతరమై
కరము నుతికెక్కు సలిలము
తిరముగ నధికంబు సకల తీర్థంబులకున్.

86


చ.

మురహర పాదపంకజ సముధ్ధతమై పెనుపొందెఁ గాదె శం
కర విలసజ్జటాకలిత కైరవబంధు కళామరీచులన్
వరనిజవీచులన్ నెఱయ వన్నియ కెక్కి త్రిలోకపావనీ
కరణ ధురీణతం గగనగంగ తరంగిణులందు మేటియై.

87


వ.

మఱియును.

88


సీ.

కలుషపంకజ కళికాతమి గౌతమి
సకల సజ్జన మాన్య జహ్ను కన్య,
జంతు సంతత మనశ్శర్మద నర్మద
శమిత తాపత్రయ దమన యమున,
శ్రిత సాధుజనలబ్ధజీవిక దేవిక
సత్య సంవిద్యోగ చంద్రభాగ,
సతత జన్మాచ లాశని భవనాశని
దూరీకృతక్షుద్ర తుంగభద్ర,


తే.

బహుల సౌభాగ్యదాన సంపన్న పెన్న
భగ్న దుర్మోహపాశ విపాశ యనఁగ,
భువిఁ బ్రసిద్ధికి నెక్కిన పుణ్యనదులు
హరికి లీలావిహార యోగ్యములుగాదె.

89