పుట:Shriiranga-mahattvamu.pdf/169

వికీసోర్స్ నుండి
ఈ పుట అచ్చుదిద్దబడ్డది

14

ప్రధమాశ్వాసము


భీరత గంగ, సత్యపరిపేశలభాషల వాణి నాఁగ నొ
ప్పారె సతీలలామ లకుమాంబ సమస్తగుణావలంబయై.

63


క.

శ్రీలక్ష్మియు నబ్జాక్షుఁడు
బోలెడువారలకుఁ గలిగె బుత్రుఁడు గుణర
త్నాలంకారుఁడు భాగ్యవి
శాలుం డగు నాగనాథసచివుం డెలమిన్.

64


సీ.

సతతప్రసన్నుఁ డాచారసంపన్నుఁడు
వినయాన్వితుండు వివేకశాలి,
సుజనసేవితుఁడు భూసురకామధేనువు
వితరణఖని జగద్ధితయశుండు,
స్మితపూర్వభాషి లక్ష్మీనృసింహార్చనా
రతుఁడు సమస్తశాస్త్రప్రవీణుఁ,
డార్యసమ్మతుఁడు నిత్యైశ్వర్యకలితుండు
సంభృతగాంభీర్యశౌర్యధనుఁడు,


తే.

చండకోదండపాండిత్యసవ్యసాచి
యశ్వరేవంతుఁ డసమబాహాబలుండు
ఘనుఁడు చాగయమంత్రి రాఘవుని కూర్మి
సుతుఁడు శ్రీనాగనాథపండితవరుండు.

65


క.

ఉరుతరవితరణగుణముల
సరియగుదురు నాగనాథచివునకు, మరు
త్తరు, సురభి, ధనద, సురమణి
తరణిజ, శిబి, శరధి, సలిలధర, బలి, ఖచరుల్.

66


వ.

ఇట్టి విశుద్ధకులదుగ్ధార్ణవంబునకుఁ బూర్ణసుధాకరుం డగు రామదేవపండితమహాప్రధానరత్నంబునకును.

67


షష్ట్యంతములు

క.

శ్రీనిత్యవిభవునకు, ఘన
దానరవిప్రభవునకును, దామరసాక్ష