డయ్యు దుశ్శాసనాభిముఖుండు గాక, విజయుండయ్యు గర్ణకంటకుండు
గాక, నారాయణుండుఁబోలె నరప్రియుండును, నదీనాయకుండుఁబోలె ఘన
సత్వసమగ్రుండును, నాకేశశైలంబునంబోలె సువర్ణకటకోజ్వలుండునునై
యనురాగిలుచుఁ జాగయామాత్యసాగరసంపూర్ణసుధాకరుం డగురాఘవ
మంత్రిశేఖరుం డొకదివసంబున, నవసరసఘుసృణమలయజాభిసిక్తప్రదే
శంబును, సద్యస్సమర్పితబహురూపధూపధూమగంధానుబంధిగంధవహవాసి
తాశావకాశంబును విలంబితకుసుమమాలికావిసరపరిమళవిలోలరోలంబ
ఝంకారముఖరితంబును, బ్రభాతప్రభాకరబింబవిడంబితజాంబూనదశిఖర
రాజివిరాజితంబును, ముక్తాఫలముకురతలవిమలభిత్తీచిత్రితహరిలీలావ
తారవిహారంబును నై వెలయు సభాగారంబున నశేషనయవిద్యావిశేష
స్వతంత్రులగు మంత్రులును, సకలకర్మప్రయోగచాతురీమహితులగు
పురోహితులును, అవక్రబలపరాక్రమవంతు లగుసామంతులును, అసమ
సంగ్రామరంహవిహారవీరావేశసముద్వృత్తు లగుబిరుదరాహుత్తులును,
బహువిధనాటకాభినయపాటవసముద్భటు లగునటులును, శ్రుతిసంధాయక
గానవిద్యాసుసంధాయకు లగుగాయకులును, సచమత్కారకారణగుణాను
బంధబంధురప్రబంధరచనానిస్తంద్రు లగుకవీంద్రులును, నిజశేముషీ
విశేషానుకృతశేషు లగుమనీషులును, భారతరామాయణాదిక కథాకథన
చతురవచనామృతసరిద్వైణికు లగుపౌరాణికులును, నలనహుషనృగ
భగీరథాది రాజన్యధన్యగుణశ్లాఘాముఖరం బగుపారకప్రకరంబును,
సమంచితలీలాసంచితానూనవిటమానమానధనం బగువిలాసినీ
జనంబును గొలువఁ గొలువుండి సకలశాస్త్రసారంబగు హరికథామృత
పూరంబు వీను లలరం జవిఁగొనుచు నందు గారుడపురాణప్రసిద్ధంబై
సిద్ధమునిగణస్తోత్రపాత్రంబగు శ్రీరంగక్షేత్రప్రభావంబునకుఁ బ్రమో
దం బావహించిన.
