పుట:Shodashakumaara-charitramu.pdf/117

106

షోడశకుమారచరిత్రము

⁠

నిడువాలుఁగన్నుల నెఱయు క్రొమ్మించులు         దొలుకారు మెఱుఁగుల చెలువు గెలువఁ జెన్ను దొలంకెడు చిఱునవ్వు నెమ్మోము         నిండుఁజందురునకు నెఱసు చూప నునుమించు పచరించు ఘనకుచయుగళంబు         కనకకుంభంబుల గారవింపఁ బలుకనేర్చిన కనకంపుఁ బ్రతిమవోలె రామయై యొప్పు శృంగారరసమనంగ నఖిలమోహనమూర్తియై యతిశయిల్లు నన్నలినగంధిఁ బొడగంటిఁ గన్ను లలర.

⁠ 124

క.⁠

ననుఁ గనుఁగొని యయ్యంగన యనురాగముఁ గౌతుకంబు నలవడ సంభా వనము లొనరించి మదిలో ననురాగము బెరయ నిట్టు లనియె న్నాతోన్.

⁠ 125

సీ.⁠

వీరచూడుఁ డనెడువిద్యాధరుఁడు గాంచె         వనితల నలువుర వారిలోన నగ్రజఁ జంధ్రప్రభాఖ్యమైఁ దనరుదు         నాతోడఁ బుట్టిననలినముఖులు పద్మరేఖయు శశిప్రభయును సుప్రభ         యును ననువారల ముని శపింప భూమిపై జనియించి పుట్టెఱింగినవారు         వారలఁ బాసినవగపుచేత వనమునకు నేగెఁ దపసి యై జనకుఁ డిప్పు డేను జెలియండ్రరాకకు నెదురుచూచు

⁠