పుట:ShivaTandavam.djvu/44

వికీసోర్స్ నుండి
ఈ పుట ఆమోదించబడ్డది

కలికి చూపుల చంపకములు బై జల్లించి
కెలఁకులకుఁ గంఠమ్ము మెలఁపుతో నాడించి
కనుగ్రుడ్లు గనులఁ చక్రముజుట్టి చుట్టిరా
ధనువులై బొమలు తద్దయుఁ గాంతిఁ చూపరా
నొకకాలు దివిఁగొల్వ నొకకాలు భువినిల్వఁ
ప్రకటముగ దేవతావరులు భక్తినిఁ గొల్వ
ఇలయెల్ల చెలువు రూపెత్తి నిల్చిన యట్లు
కలలెల్ల నిజములై కానుపించిన యట్లు

        ఆడెనమ్మా! శివుఁడు
        పాడెనమ్మా! భవుఁడు

ఒకసారి దిరములై యుండి కాంతులు గ్రుమ్ము
నొకసారి గంటువేసికొని ఫూత్కృతి జిమ్ము
నొకసారి మనుబిళ్ళ యోజ చెంగున దాటు
నొకసారి వ్రేలు వాడిన పూలరేకులై
యొకసారి దుసికిళ్ళు వోవు చిఱుచేపలై
యొకసారి ధనువులై యుబ్బుఁ గన్నుల బొమ్మ
లిలయెల్ల చెలువు రూపెత్తి నిల్చిన యట్లుఁ
కలలెల్ల నిజములై గానుపించిన యట్టు

        లాడెనమ్మా! శివుఁడు
        పాడెనమ్మా! భవుఁడు

కనుదోయి సైగలకుఁ గనుబొమలె బదు లొసగ
మనసులో నూహలకు తనువె బులకలు దాల్ప